Nıýrnberg týrnıri: ıÝlııa Pýtıntseva álemniń 10-raketkasyn jeńdi
ASTANA. QazAqparat - Qazaqstandyq tennısshi ıÝlııa Pýtıntseva Nıýrnberg týrnıriniń alǵashqy aınalymynda álemniń 10-ynshy, osy týrnırdiń birinshi raketkasy, amerıkalyq Sloan Stıvenspen kezdesti, dep habarlaıdy QazAqparat tilshisi.
Keshe bastalyp, asa tartysty ótken kezdesýde birinshi partııa 7:5 esebimen S.Stıvenstiń paıdasyna sheshildi.
Ekinshi partııada álemdik reıtıngte 93-inshi orynda turǵan ıÝ.Pýtıntseva 6:4 esebimen ese qaıyrdy.
Úshinshi partııada esep 3:3 bolyp turǵan mezette match keıinge qaldyrylǵan bolatyn. Búgin qaıta jalǵasqan básekede ıÝlııa óziniń geımin alýmen birge breık jasap, 5:3 esebimen alǵa shyqty. Áıtse de ózi dop bergen kezde kezdesý taǵdyryn sheshetindeı keremet múmkindikti múlt jiberdi. Budan keıin Sloan tarazy basyn teńestirdi - 5:5. Esep 6:5 bolǵan mezgilde Pýtıntseva matchboldy paıdalana almady. Taı-breıkte qazaqstandyq tennısshi qarsylasynyń taýyn qaıtara bildi - 7:3.
Osylaısha 3 saǵat 4 mınýtqa sozylǵan kezdesýde ıÝ.Pýtıntseva álemniń 10-ynshy raketkasyn utyp ketti.
Qazaqstandyq tennısshi ekinshi aınalymda taǵy bir amerıkalyq tennısshi, álemniń 105-inshi raketkasy Elıson Rıskemen kortqa shyǵady.
Eske sala keteıik, budan buryn Qazaqstannyń birinshi raketkasy Zarına Dııastyń Strasbýrg týrnırindegi qarsylasy anyqtalǵanyn jazǵan bolatynbyz.
Sondaı-aq, búgin taǵy bir qazaqstandyq tennısshi Mıhaıl Kýkýshkın Lıon týrnırinde argentınalyq Federıko Korıamen kúsh synasady.
