Nıýfaýndlend mańynan sýǵa batqan kóne keme tabyldy

ASTANA. KAZINFORM – Nıýfaýndlend jaǵalaýy mańynan sýǵa batqan kóne keme tabyldy, dep habarlaıdy Euronews.

Nıýfaýndlend jaǵalaýynan belgisiz kemeniń aýdarylǵan korpýsyn Keıp-Reı kentiniń 21 jastaǵy turǵyny Gordon Blekmor tapqan. Ol teńiz qustaryn aýlap júrgeninde sýdan kóleńke kórip qalǵan. Bir kún buryn bul kóleńkeni kórmegen edi.

Sodan beri keme tabylǵan jerge qısyq taqtaılary men olardy jalǵap turǵan aǵash shegelerdi zerttegisi keletin adamdar kóptep kelip júr.

Jaǵajaılar jyldar ishinde aıtarlyqtaı erozııaǵa ushyrady. Bul aımaqta 2022 jyldyń 24 qyrkúıeginde «Fıona» post-tropıkalyq daýyly ótip, 100-ge jýyq úıdi, jaǵalyq syzyqty qıratyp, Keıp-Reı jaǵajaıy boıynda qumdy kóterip jiberdi.

Ótken aptada ol jerde tolqyndar úlken bolǵany sonshalyq, olar apatqa ushyraǵan kemeniń kórinip qalýyna sebep bolýy ábden múmkin.

Mamandardyń aıtýynsha, keme 1800-shi jyldary salynǵan. Sol dáýirdegi kemelerde shege retinde aǵash dıýbel qoldanylǵan. Kemeniń synyqtarynda eni eki santımetrden asatyn mys qazyqshalar bar. Olar korpýstyń taqtaılaryn bir-birine bekitý úshin paıdalanyldy.

Keme korpýsynyń bir bóliginiń uzyndyǵy shamamen 24 metr, bul kemeniń odan da uzyndaý bolǵanyn bildirip tur.

Keıp-Reı turǵyndary bul jerge mamandar kelip, keme tarıhyn anyqtaı alatynyna úmittenedi.