Nıý-Iorktegi Taıms-skver alańynda Dımash Qudaıbergenniń qurmetine merekelik is-shara ótti
ASTANA. KAZINFORM - Manhettenniń qaq ortasyndaǵy Taıms-skverde qazaqstandyq ánshi Dımash Qudaıbergenge arnalǵan merekelik LED-ekrandar taǵy da iske qosyldy, dep habarlaıdy dimashnews.
Álemniń ártúrli elderindegi ánshiniń jankúıerleri birneshe jyl qatarynan Nıý-Iorktiń dál júreginde osyndaı erekshe quttyqtaý is-sharalaryn uıymdastyryp keledi.
Bıyl amerıkalyq Dears qaýymdastyǵy jańbyrly aýa raıyna qaramastan, Dımashtyń 32 jasqa tolýyn atap ótý úshin bas qosty.
Jankúıerler Taıms-skverge jınalyp, merekelik ekrandardy tamashalap, erekshe sáttiń qýanyshyn birge bólisti.
Sonymen qatar, Dımash izgi nıet elshisi bolyp tabylatyn Halyqaralyq kóshi-qon uıymynyń (ІOM) qaıyrymdylyq bastamasyna US Dears qosyldy. Buǵan deıin ónerpaz gýmanıtarlyq mıssııa aıasynda Bangladeshke baryp, májbúrli qonys aýdarýshylar lagerinde bolyp, qoldaýǵa muqtaj jandarmen kezdesken edi.
Dears qaýymdastyǵy Dımashtyń shyǵarmashylyǵy men qoǵamdyq qyzmeti arqyly nasıhattap júrgen meıirimdilik, ózara qoldaý jáne birlik ıdeıalaryn qoldaýdy jalǵastyryp keledi.
Osyǵan deıin Belgııada Dımash Qudaıbergenniń shyǵarmashylyǵyna arnalǵan arnaıy radıobaǵdarlama efırge shyqqany týraly jazdyq.
