Nıý-Iorktegi sán kórsetiliminde qazaqy naqyshtaǵy kıim úlgileri tanystyryldy
ASTANA. KAZINFORM – Qazaq dızaıneri Anelııa Álim «New York Fashion Week-2024» halyqaralyq sán kórmesine ulttyq dızaındaǵy ónimderin usyndy.
Nıý-Iork qalasyndaǵy «Leman Ballroom» zalynda «New York Fashion Week-2024» halyqaralyq sán kórsetiliminiń 16-maýsymy ashylýynda qazaqstandyq dızaınerdiń ulttyq sán úlgileri usynylyp, is-sharada Qazaqstannyń Ánurany shyrqaldy.
Tanymal dızaınerler men sán áleminiń ókilderi qatysatyn is-sharada AQSh-ta turyp jatqan qazaq dızaıneri, kásipker Anelııa Álim ulttyq naqyshtaǵy toptama usyndy.
Al kásibı estrada-djaz ánshisi Gúlzar Ǵabdrahman Qazaqstannyń Ánuranyn shyrqady.
«Uıymdastyrýshylar «New York, New York» áni men elimizdiń Ánuranyn oryndaýymdy surap, arnaıy shaqyrtý jiberdi. Azýyn aıǵa bilegen AQSh-ta, Nıý-Iork qalasynyń tórinde qazaqtyń ánin shyrqaý jáne mádenıetin kórsetý – men úshin úlken mártebe boldy», - deıdi Gúlzar Ǵabdrahman.
