Nıý-Iorkte jer silkinisi boldy

ASTANA. KAZINFORM — Juma kúni tańerteń AQSh-tyń shyǵys jaǵalaýynda bolǵan 4,8 baldyq jer silkinisiniń dúmpýleri Nıý-Iork pen onyń aınalasynda sezildi. Jerasty dúmpýleriniń oshaǵy Nıý-Djersı shtatyndaǵy Lıvan qalasyna jaqyn jerde, Nıý-Iorkten batysqa qaraı 64 shaqyrymdaı jerde boldy, dep habarlady VVS.

Nıý-Iork pen onyń mańyndaǵy aýdandarǵa keltirilgen shyǵyn kólemi naqtylanbady, qazir qalanyń órt sóndirý qyzmeti onyń saldaryn baǵalap jatyr. 

Amerıkanyń shyǵys jaǵalaýynda jer silkinisi sırek kezdesedi jáne bul Nıý-Iork qalasynda sońǵy onjyldyqtardaǵy eń kúshti jer silkinisi boldy.

Áleýmettik jeli qoldanýshylary jer silkinisi Fıladelfııadan Nıý-Iorkke deıin jáne shyǵys jaǵalaýda Bostonǵa deıin sezilgenin habarlady.

Ótken jyly Býffaloda (Nıý-Iork) magnıtýdasy 3,8 baldyq jer silkinisi boldy, biraq bul aımaqta 40 jyl boıy mundaı kúshti jer silkinisi bolmaǵan.

1983 jyly Nıý-Iork shtatynyń ońtústigindegi Nıýkombta 5,1 baldyq jer silkinisi boldy.

Nıý-Iork qalasynyń meri Erık Adams búgingi jer silkinisiniń aýyr zardaptary týraly málimet joq ekenin aıtty.

Jer silkinisi saldarynan Nıý-Iorktiń birneshe áýejaıy jumysyn ýaqytsha toqtatty.