Nıý-Iorkte tótenshe jaǵdaı jarııalandy

ASTANA. KAZINFORM — Nıý-Iork qalasynyń meri Zohran Mamdanı AQSh-tyń soltústik-shyǵysynda boljanyp otyrǵan qarly boranǵa baılanysty qalada tótenshe jaǵdaı jarııalady. Mamdanı tótenshe jaǵdaılar qyzmetinen basqa qalanyń barlyq kólik jelisin jabýdy buıyrdy. Budan basqa, dúısenbide memlekettik mektepterde sabaq toqtatyldy, dep jazdy WION. 

— Nıý-Iorkte on jyl ishinde mundaı kúshti daýyl bolǵan emes. Biz Nıý-Iork turǵyndaryn barlyq mańyzdy emes saparǵa shyqpaýyn suraımyz, — dedi mer tótenshe jaǵdaıdy túsindire otyryp.

NYC, we've declared a local state of emergency ahead of this blizzard.

Here's what that means for you:

Roads closed at 9pm — streets, highways, and bridges closed to all vehicles (cars, trucks, scooters, e-bikes) through 12pm Monday. Essential and emergency trips only.

No…

— Mayor Zohran Kwame Mamdani (@NYCMayor) February 22, 2026

Nıý-Iork shtatynyń gýbernatory Ketı Hokýl soltústik-shyǵys daýylynyń jaqyndap kele jatqanyna baılanysty búkil shtat boıynsha tótenshe jaǵdaı jarııalap, Ulttyq gvardııanyń shamamen 100 áskerı qyzmetkerin jumyldyrdy.

— Biz mundaıdy kóp jyl boıy kórgen emespiz. Adamdar habarsyz qalady. Long-Aılend, Nıý-Iork jáne Gýdzonnyń tómengi bóligi daýyl epıtsentrinde qalady, — dep eskertti ol.

Nıý-Djersı gýbernatory Mıkkı Sherrıll de jeksenbi kúni tústen keıin kúshine enetin tótenshe jaǵdaı jarııalady.

Osyndaı shekteýler Konnektıkýt shtatynda da engizildi.

Massachýsets shtatynda da tótenshe jaǵdaı jarııalandy, onda kómek kórsetý úshin Ulttyq gvardııanyń 200-ge deıin áskeri jumyldyrylǵan. Shtat bıligi jeksenbi keshinen bastap mańyzdy emes saparlarǵa shekteýler engizdi.

Amerıkalyq Ulttyq meteorologııa qyzmetiniń málimetinshe, AQSh-tyń soltústik-shyǵysynda saǵatyna 5-7,5 sm qar jaýyp, jel ekpini saǵatyna 110 km-ge jetedi.

Osyǵan deıin Máskeýde 80 sm qar jaýyp, 72 jyldaǵy rekord tirkelgenin habarladyq.