Nıý-Iorkte oq jaýdyrǵan adamnyń psıhıkasynda aqaý bolǵan

ASTANA. KAZINFORM – Nıý-Iork meri men polıtsııasy Manhettendegi záýlim ǵımaratta atys kezinde tórt adamnyń, onyń ishinde polıtsııa qyzmetkeriniń qaza tapqanyn rastady. Taǵy bir adam aýyr jaraqat aldy, dep habarlaıdy VVS. 

Atqysh óz-ózine qol jumsady, onyń sebepteri belgisiz. Bılik mádimetinshe, onyń psıhıkalyq densaýlyǵynda problemalar bolǵan. 

Buǵan deıin Nıý-Iork meri Erık Adams baspasóz máslıhatynda BAQ-ta bes adamnyń qaza tabýy, onyń ishinde oq atqan adam da bar degen aqparatty rastady. 

Nıý-Iork polıtsııasynyń komıssary Djessıka Tıshtiń baıandaýynsha, Las-Vegastyń 27 jastaǵy turǵyny Sheın Tamýra dep tanylǵan er adam qolyna M4 avtomatymen ǵımaratqa kirip, birden oq jaýdyryp, polıtsııa qyzmetkeri men taǵy eki er adamdy óltirgen.

Sodan keıin ol lıftpen Ruden Building Management fırmasy ornalasqan qabatqa kóterilip, sol jerde oq jaýdyrǵan. Keıinirek sol jerde áıeldiń denesi anyqtaldy. Sodan keıin Tamýra foıege túsip, ózin atyp tastady. 

Komıssar Tıshtiń aıtýynsha, Tamýra úsh kún boıy búkil el boıynsha saıahattap, atysqa barar aldynda Nıý-Iork qalasyna kelgen.

Nıý-Iork polıtsııasy Las-Vegas bıliginen alǵan aqparatqa sáıkes, Tamýranyń psıhıkalyq densaýlyǵynda problllemalar bolǵan. 

— Onyń qylmysqa barý sebepteri tergelý ústinde jáne biz onyń nelikten dál osy oryndy tańdaǵanyn túsiný úshin jumys istep jatyrmyz, — dedi Tısh.

Buǵan deıin Nıý-Iork qalasynyń Manhetten ortalyǵyndaǵy záýlim ǵımaratta belgisiz adam avtomat qarýynan oq jaýdyrǵanyn jazǵan bolatynbyz.