Nıý-Iorkte meksıkalyq keme kópirge soǵyldy: zardap shekkender men mert bolǵandar bar
ASTANA. KAZINFORM – Senbi kúni keshkisin Nıý-Iorkke merekege kele jatqan Meksıka áskerı-teńiz kúshteriniń jelkendi kemesi Brýklın kópirine soǵyldy, dep habarlaıdy Sınhýa.
Meksıkanyń «Kýaýtemok» áskerı-teńiz kúshteriniń kemesinde 277 adam bolǵan.
BBC keıingi málimetteri boıynsha, eki adam mert bolyp, 19 adam jaraqat alǵan.
Áleýmettik jelige júktelgen vıdeodan 147 fýttyq keme machtalary kópirdiń astynan emin-erkin ótýge tym bıik ekeni kórinip tur.
A massive pirate ship just hit the Brooklyn Bridge pic.twitter.com/eWRvh8Ognn
— Corso (@Corso52) May 18, 2025
BAQ ókilderiniń habarlaýynsha, Amerıkanyń 2026 jyldyǵyn toılaý úshin keme Nıý-Iorkke 2026 jyldyń shildesinde qaıtýy kerek bolatyn.
Osy oqıǵadan soń Nıý-Iorktiń polıtsııa basqarmasy H áleýmettik jelisinde azamattarǵa tergeý, tótenshe jaǵdaıdyń aldyn alý jumystary júrip jatýy sebepti Brýklın kópirinen aýlaq bolýǵa shaqyrdy.
Brýklın kópirindegi joldyń barlyq jolaqtarynda qozǵalys toqtaǵan.
Osyǵan deıin Trıpolıdegi narazylyq kezinde bir adam opat bolǵany týraly jazdyq.