Nıý-Iorkte BUU Bas Assambleıasyna qaýip tóndirýi múmkin jeli joıyldy

NЬıÝ-IORK. KAZINFORM — AQSh-tyń Qupııa qyzmeti seısenbi kúni Nıý-Iorktegi óz shtab-páteriniń mańynda jáne úsh shtat aýmaǵynda iri baqylaý jelisiniń joıylǵanyn málimdedi, dep jazdy AZƏRTAC.

Barlyǵy 100 myń SIM-karta men 300 server tabylǵan.

AQSh Qupııa qyzmetiniń málimetinshe, bul jeli búkil Nıý-Iorktegi telekommýnıkatsııany isten shyǵara alatyn qýatqa ıe bolǵan.

— Anonımdi túrde qaýip tóndiretin qońyraýlar shalýdan bólek, bul qurylǵylar telekommýnıkatsııalyq júıelerge túrli shabýyldar jasaý úshin qoldanylýy múmkin, — delingen AQSh Qupııa qyzmetiniń málimdemesinde.

Sol baspasóz habarlamasynda birneshe bólmede uqypty túrde qoıylǵan antennalarmen jabdyqtalǵan júzdegen SIM-kart qatarlary kórsetilgen fotosýretter de jarııalanǵan.

— Bul jeli mobıldi baılanys munaralarynyń jumysyn buzýǵa, qyzmet kórsetýden bas tartý (DoS) tárizdi shabýyldar jasaýǵa jáne qylmystyq toptar men yqtımal buzaqylar arasynda anonımdi ári shıfrlanǵan baılanys ornatýǵa múmkindik beretin, — delingen habarlamada.

Sondaı-aq, bul júıe el boıynsha bir mınýtta 30 mıllıon SMS-habarlama jibere alatyn qýatqa ıe bolǵany atap ótildi.

Aıta keteıik, Qasym-Jomart Toqaev BUU-nyń Nıý-Iorktegi debatynda TMD elderi basshylary arasynda birinshi bolyp sóz sóıleıdi. 

Plenarlyq otyrysty BUU Bas Assambleıasynyń 80-sessııasynyń tóraǵasy Annalena Berbok ashady.

Jibek Joly Prezıdenttiń sóz sóıleýin onlaın kórsetedi.