Nıý-Iorkte 70 sheneýnik sybaılas jemqorlyqqa qatysy bar degen kúdikpen qamaýǵa alyndy

NЬıÝ-IORK. KAZINFORM - Nıý-Iork qalalyq turǵyn úı basqarmasynyń (New York City Housing Authority-NYCHA) ondaǵan qyzmetkeri men merdigerleri qamaýǵa alyndy. Bul - Ádilet departamenti tarıhyndaǵy sybaılas jemqorlyqqa qarsy eń iri naýqandardyń biri, dep habarlaıdy NBC New York.

70 adamǵa NYCHA nysandarynda ártúrli boljamdy sybaılas jemqorlyq jáne keri qaıtarý shemalarymen baılanysy bar dep aıyp taǵyldy. Mundaı aıyptar 10 jáne 20 jylǵa deıin bas bostandyǵynan aıyrý jazasyn qarastyrady. 

Aldyn ala boljam boıynsha, sheneýnikter jarııa saýda-sattyqty qajet etpeıtin, jalpy somasy 13 mln dollardan asatyn birneshe shaǵyn merdigerlikti usyný arqyly 2 mln dollardan astam paıda tapqan.

Qaıtarý shemalaryna qurylys, tehnıkalyq qyzmet kórsetý jáne turǵyn úı jobalaryndaǵy tendersiz kelisim-sharttar kirdi.

NYCHA turǵyn úılerinde 300 myńnan astam adam turady.