Nıý-Iork soty Hrapýnovtar men Ábilıazovten qaıtarylatyn aqshanyń somasyn ózgertýi múmkin
ASTANA. KAZINFORM – Ádilet mınıstrliginiń resmı ókili Talǵat Ýálı vedomstvonyń kezekti baspasóz máslıhatynda ulttyq ónimderdi patentteýdiń tártibin túsindirdi.
«26 maýsymda Nıý-Iorktiń ońtústik okrýgindegi aýdandyq sotynyń 3 aptalyq tyńdaýynan keıin alqabıler Іlııas jáne Vıktor Hrapýnovtarǵa, sondaı-aq Muhtar Ábilıazov pen Felıks Sater sııaqty sybaılastaryna qarsy ákimdikten urlanǵan aqshany jylystatý deregine qatysty 32 mln AQSh dollarynan astam soma boıynsha biraýyzdan úkim shyǵardy. Bul soma bir apta ishinde sot tarapynan túzetilýi múmkin», - dedi Talǵat Ýálı.
Sondaı-aq ol bul iske Ádilet mınıstrligi bastamashy bolǵanyn aıtty.
«Ózderińiz biletindeı, osy azamattyq isti Ádilet mınıstrligi Almaty qalasy ákimdiginiń jáne «BTA Banktiń» múddelerin qorǵaý úshin 2019 jyly qozǵaǵan. Oǵan negiz bolǵan – negizsiz baıý, aqshalaı qarajatty zańsyz ıemdený jáne qylmystyq shyǵý tegi bar aqshany paıdalaný faktileri», - dedi mınıstrliktiń resmı ókili.
