Nıý-Iork polıtsııasy Vashıngtondaǵy atystan keıin dinı nysandardaǵy qaýipsizdikti kúsheıtedi

Nıý-Iork quqyq qorǵaý organdary  Vashıngtondaǵy Capital Jewish Museum (Evreıler murajaıy) mańynda bolǵan atystan keıin dinı nysandar men mádenıet mekemeleriniń qaýipsizdigin kúsheıtedi. Atys saldarynan Izraıl elshiliginiń eki qyzmetkeri qaza tapqan edi, dep habarlaıdy TASS. 

Bul týraly quqyq qorǵaý organdary X (burynǵy Twitter) jelisinde málimdedi.

— Nıý-Iorkpen eshqandaı baılanys bolmasa da, Vashıngtonda evreıler men ızraıldikterge baǵyttalǵan bul jantúrshigerlik shabýylǵa jaýap retinde Nıý-Iork polıtsııasy dinı nysandar men mádenıet mekemeleri mańyna qosymsha patrýldik jasaqtar, qarýly toptar men lańkestikke qarsy bólimshe qyzmetkerlerin ornalastyrady, — delingen habarlamada.

AQSh ádilet mınıstri Pem Bondıdiń aıtýynsha, shabýyl jasaǵan kúdikti jalǵyz áreket etken jáne qazirgi ýaqytta qamaýda otyr.

Qaıǵyly oqıǵa Vashıngtondaǵy Vashıngtondaǵy Capital Jewish Museum (Evreıler murajaıy) mańynda bolǵan. Qala polıtsııasynyń basshysy Pamela Smıttiń habarlaýynsha, bir er adam jáne bir áıel (dıplomat) qaza tapqan. Olar mýzeıde ótken is-sharadan shyqqan sátte kúdikti oq jaýdyrǵan. Ustalǵan kezde ol «Palestınaǵa bostandyq!» dep urandatqan.

Aıta ketelik Vashıngtonda Izraıl elshiliginiń eki qyzmetkeri oqqa ushqany týraly jazǵan edik.