Nıý-Iork polıtsııasy Erdoǵandy kósheniń qaq ortasynda toqtatty

ASTANA. KAZINFORM – Nıý-Iork polıtsııasy VIP kortejdi ótkizý úshin Túrkııa prezıdenti Rejep Taııp Erdoǵan men onyń delegatsııasyn toqtatty. 

Bul týraly Deutsche Welle-diń túrik qyzmeti habarlady. 

BUU Bas assambleıasyna qatysý úshin Nıý-Iorkke kelgen Erdoǵan kúzetshilerdiń qorshaýynda kósheden ótpek bolǵan kezde toqtatyldy. Osy kezde AQSh prezıdentine tıesili bolýy múmkin VIP kortej ótip bara jatqan. Túrik kóshbasshysynyń komandasy temir tosqaýyldardy alyp tastaýǵa árekettengen kezde olar men polıtsııa arasynda shaǵyn qaqtyǵys bolǵan. Túrkııa prezıdentine aqyry kortejdiń ótip ketýin kútýge týra keldi.

Buǵan deıin Nıý-Iork polıtsııasy prezıdent Donald Tramptyń kortejine baılanysty kóshelerdi jaýyp, Frantsııa prezıdenti Emmanıýel Makronnyń kóligin toqtatqanyn jazǵan bolatynbyz.

Makron BUU shtab-páterinen shyǵyp, Frantsııa elshiligine barmaqshy bolǵan kezde onyń kóligin Tramptyń kortejiniń qaýipsizdigin qamtamasyz etetin Nıý-Iork polıtsııasynyń qyzmetkerleri toqtatty. Frantsýz kóshbasshysy kóliginen túsip, Trampqa telefon soqty.