Nıý-Iork ortalyǵyna kirý budan bylaı aqyly bolady

ASTANA. KAZINFORM - Bul bastama Manhettenniń kólik kóp júretin bóligindegi keptelisti azaıtýǵa baǵyttalǵan, dep habarlaıdy ABC7NY.

Qalalyq kólik basqarmasy (MTA) negizgi tarıfti 60-shy kósheden ońtústik baǵytqa qaraı 9 dollar quraıtyn baǵdarlamany iske qosty.

Jańa erejege sáıkes, eń joǵary kezeńdegi jol júrý aqysy jumys kúnderi saǵat 05:00-den 21:00-ge deıin jáne demalys kúnderi 09:00-den 21:00-ge deıin qoldanylady. Túngi jol aqysy barlyq júrgizýshi úshin 75%-ǵa tómendeıdi.

Avtokólikter men shaǵyn kommertsııalyq kólikterge (sedan, jol talǵamaıtyn kólikter, pıkap jáne shaǵyn fýrgondar) aqy qarbalas ýaqytta 9$, túnde 2,25$ bolady. Mototsıklder úshin 4,50$ jáne túnde 1,05 $. Kórsetilgen kólikterden kúnine bir ret qana aqy alynady.

Shaǵyn júk kólikteri men keıbir avtobýstar kúndiz 14,40 dollar, túnde 3,60 dollar tóleıdi. Úlken júk kólikteri men týrıstik avtobýstar sharyqtaý kezinde 21,60 dollar, túnde 5,40 dollar tóleıdi. Alaıda, keıbir júk kólikteri men avtobýstar qala ortalyǵynda jol aqysyn tóleýden bosatylady degen eskertý bar.

Jańadan saılanǵan prezıdent Donald Tramp qyzmetine kirise salysymen, gýbernatordyń josparyn toqtatatynyn aıtyp, keptelisterdiń baǵasyna ashyq qarsy shyqqan bolatyn.