Nıý-Iork kitaphanasyna qazaqtyń tanymal tulǵalarynyń kitaptary qoıyldy
NЬıÝ-IORK. KAZINFORM - Nıý-Iork kitaphanasynda (The New YorkPublic Library) belgili qazaq aqyndary men kompozıtorlarynyń týyndylary jarııalanǵan kitaptar men materıaldardy tapsyrý rásimi ótti.
Kitaptar men partıtýralardy Nıý-Iork kitaphanasyna berý Qazaqstan men AQSh arasyndaǵy mádenı jáne bilim salalary boıynsha baılanystardy odan ári nyǵaıtýdaǵy mańyzdy qadam bolyp tabylady.
Іs-sharaǵa Kitaphananyń kollektsııa jáne zertteýler jónindegi dırektory Denız Hıbeı, Kollektsııa men jahandyq zertteýlerdi damytý jónindegi dırektory Djeıson Baýmann, «Global MusicPartnership» kompanııasynyń negizin qalaýshy Vladımır De men AQSh-taǵy qazaq dıasporasynyń ókilderi qatysty.
Qazaqstannyń Nıý-Iork qalasyndaǵy Bas konsýly R.Tleýlın áıgili qazaq avtorlarynyń eńbekterin usyndy. Olardyń arasynda Abaı Qunanbaevtyń, Jabaıhan men Raýshan Ábdildınderdiń «Abai. Philosopher. Reformer. Humanist» atty zertteý jumysy, Nık Fıldıngtiń avtorlyǵymen Shoqan Ýálıhanovtyń tańdamaly eńbekteri, sonymen qatar qazaq prozasy men poezııasynyń jınaqtary bar.
- Tarıh, mádenıet pen ádebıettiń túrli aspektilerin qamtıtyn atalǵan shyǵarmalar amerıkalyqtar úshin Qazaqstannyń baı mádenı murasymen tanysýdyń tamasha múmkindigi, - dep atap ótti Denız Hıbeı.
Ásirese basty nazar Abaı Qunanbaev pen Shoqan Ýálıhanov sııaqty oıshyldardyń eńbekterine aýdaryldy. Tanymal aqyn, fılosof gýmanıst bola tura Abaı qazaq mádenıeti men ádebıetiniń damýyna ólsheýsiz úles qosty.
Onyń shyǵarmalary Garvard, Oksford sııaqty álemdegi jetekshi ýnıversıtetterde zerdelenip keledi. 1995 jyly ıÝNESKO onyń eńbekterin materıaldyq emes mádenı muralar tizimine engize otyryp, uly oıshyldyń álemdik mádenıetke qosqan úlesin moıyndady.
Ǵalym, jazýshy Shoqan Ýálıhanov ta eldiń ulttyq ereksheligi men ıntellektýaldyq damýyna aıtarlyqtaı úles qosty.
Onyń eńbekteri qazaqstandyq oıshyldar men jazýshylardy áli de shabyttandyrady.
«Global Music Partnership» kompanııasynyń negizin qalaýshy Vladımır De áıgili qazaqstandyq kompozıtor Qýat Shildebaevtyń skrıpka pen ishekti aspaptarǵa arnalǵan «Qarakemer» kúıi notalarynyń partıtýrasyn tanystyrdy.
Vladımır De AQSh-ta alǵash ret shyǵarylǵan partıtýranyń batys oryndaýshylaryna repertýarlaryn mýzykanyń epıkalyq oryndaýǵa negizdelip, shyǵarmashylyq yntymaqtastyqqa jeteleıtin teńdessiz qazaq folklorymen tolyqtyrýǵa múmkindik jasap otyrǵanyn atap ótti.
1895 jyly negizi qalanǵan Nıý-Iork buqaralyq kitaphanasy qala boıynsha 90-nan astam fılıaly bar álemdegi iri kitaphana ınstıtýty sanalady.
Kitaphana Qazaqstannyń bilimi men mádenıet murasyna qol jetkizýge múmkindik beretin mıllıondaǵan kitaptar, qoljazbalar men ózge de materıaldardy jınaqtap otyr.
Jylyna búkil álem boıynsha mıllıondaǵan zertteýshiler men stýdentterdi qabyldaıtyn kitaphana óziniń baı kollektsııasymen tanymal jáne Amerıkanyń jetekshi mádenıet ınstıtýttarynyń biri sanalady.
Osyǵan deıin AQSh kitaphanasyna 99 jyl buryn alynǵan kitap qaıtarylǵany týraly jazdyq.
