Nıý-Djersıde orman órtine baılanysty 3 myńnan astam adam evakýatsııalandy

ASTANA. KAZINFORM – Seısenbi kúni Nıý-Djersıdegi (AQSh) orman órti shamamen 3 440 gektar aýmaqty sharpydy, dep habarlaıdy Kazinform CNN-ge silteme jasap. 

Órtten 3 000-nan astam adam evakýatsııalandy, 1 300-den astam ǵımaratqa qaýip tóndi. 

Jergilikti órt sóndirý qyzmetiniń málimetinshe, seısenbi kúni Grınvýd ormanyny aımaǵyndaǵy qyzyl jalynnyń 10%-y aýyzdyqtaldy. Qazirgi kezde ottyń neden tutanǵany, oqıǵanyń mán-jaıy anyqtalyp jatyr. 

Foto: edition.cnn.com

PowerOutage.us málimetine súıensek, orman órtinen Muhıt okrýgindegi 26 000-nan astam tutynýshy elektr qýatynsyz qalǵan. Jeldiń uıytqı soǵýy atalǵan aımaqqa aıtarlyqtaı keri áserin tıgizip jatyr.

Nıý-Djersı shtatynyń polıtsııasy habarlaǵandaı, apatty jaǵdaıǵa baılanysty Garden shtatyndaǵy saıabaqtyń bir bir bóligi jabylǵan. Sondaı-aq shtattaǵylarǵa aýa sapasy týraly eskertý jarııalandy. 

Buǵan deıin Nepalda orman órti órship turǵanyn jazǵan edik.