Nysanbaev jerdi jalǵa alýǵa qoıylatyn talaptardy aıtyp berdi

ASTANA. QazAqparat - QR Aýyl sharýashylyǵy vıtse-mınıstri Erlan Nysanbaev aýyl sharýashylyǵy maqsatyndaǵy jerdi qazaqstandyqtarǵa jalǵa berý protsedýrasynda qandaı ózgerister engizilgeli jatqanyn atady, dep habarlaıdy «QazAqparat» HAA tilshisi.

«Árıne, biz qazirgi tańda jerdi jalǵa berý protsedýrasyn damytyp jatyrmyz. Sonyń sheńberinde konkýrsqa tek qazaqstandyq qana qatysa alady. Eń birinshi talabymyz - jerge úmittenip otyrǵan adamnyń qolynda óziniń bıznes-jospary bolýy kerek. Ekinshi - ázirlegen qujatynda qansha adamǵa, turǵyndarǵa jumys ornyn ashatyny aıqyn bolýy kerek. Odan tys jalpy sol alǵan jerdiń qunarlylyǵyn azaıtpaý úshin qandaı is-sharalardy jasaıtynyn, qandaı jańa tehnologııalardy qoldanatynyn kórsetetin bolady», - deıdi Erlan Nysanbaev.

Vıtse-mınıstr eń úlken másele - jerdi tıimdi paıdalaný bolǵandyqtan, jerdi jalǵa alý konkýrstarynda talaptar anyq belgilengenin atap ótti.

Aıta ketsek, qazirgi ýaqytta QR Parlament Májilisiniń jumysynda «Jer qatynastaryn retteý máseleleri boıynsha QR keıbir zańnamalyq aktilerine ózgerister men tolyqtyrýlar engizý» týraly zań jobasy qaralýda.