Nysana kózdeýshiler álem chempıonatynan taǵy 2 altyn, 2 qola aldy
ASTANA. QazAqparat - Ońtústik Koreıanyń Chhanvon qalasynda ótip jatqan nysana kózdeýden jasóspirimder arasyndaǵy əlem chempıonatynda búgin qazaqstandyq sportshylar 2 altyn, 2 qola medal jeńip aldy, dep habarlaıdy QazAqparat tilshisi.
Dúnıejúziniń 45 memleketinen kelgen 600-ge jýyq atlet birneshe kún boıy júldelerdi sarapqa saldy.
Dúbirli dodada jyljymaly nysana kózdeýde (10 m, aýyspaly rıtm) elimizdiń áıelder quramasy jeńis tuǵyryna kóterildi.
Báseke barysynda Qazaqstan namysyn apaly-sińlili Zýhra jáne Fatıma Irnazarova, Aleksandra Sádýaqasova qorǵady.
Atalǵan baǵdarlamanyń jekeleı synynda Fatıma Irnazarova taǵy bir altyn alsa, Zýhra Irnazarova qola júldeger atandy.
Sondaı-aq, jyljymaly nysana kózdeýde (10 m, aýyspaly rıtm) elimizdiń erler quramasy úzdik úshtikti túıindedi.
Jarysta Asadbek Nazırkýlev, Ilıa Zoteev, Danııl ıAkovenko jyldam jáne jáı jyljıtyn nysanaǵa oq atyp, 1080 upaı jınady. Alda - Ýkraına men Fınlıandııa sportshylary.
Álem chempıonatynda qazaqstandyq sportshylar barlyǵy 4 altyn, 4 kúmis jəne 2 qola medalge ıe bolyp, jalpy esepte úzdik bestikke kirdi.
Eske salsaq, budan buryn kúres túrlerinen Qazaqstan balýandary Iordanııadaǵy Azııa chempıonatynan 37 medal jeńip aldy.
