Nysana kózdeýden qazaqstandyq mergender úzdik bestikke kirdi- Azıada
ASTANA. qazAqparat - Indonezııada ótip jatqan Jazǵy Azııa oıyndarynda nysana kózdeýden qazaqstandyq mergender jarysty besinshi orynmen aıaqtady, dep habarlaıdy QazAqparat tilshisi.
QR UOK-niń baspasóz qyzmeti habarlaǵandaı pnevmatıkalyq qarýmen nysana kózdeýden Qazaqstan komandasy Azııa oıyndaryn besinshi orynnan ary asa almady.
10 metrge nysana kózdeýde Vladımır Isachenko men Záýresh Baıbosynova fınalǵa ótken bolatyn. Ókinishke qaraı, bizdiń mergender júldeli orynǵa ilige almady. Olar jalpy esepte 323.9 upaı jınady. Alaıda bul kórsetkish júldeli orynnan kórinýge azdyq etti.
Bul sport túrindegi altyn júldeni Qytaılyq komanda jeńip alsa, kúmis júldeni koreıalyqtar qanjyǵasyna baılady. Al úzdik úshtikti vetnamdyq sportshylardyń enshisine buıyrdy.
