Nysana kózdeýden álem chempıonatynda qazaqstandyq Arına Altýhova kúmis jeńip aldy
ASTANA. QazAqparat – Qazaqstandyq sportshy Arına Altýhova Ońtústik Koreıanyń Chhanvon qalasynda ótip jatqan jasóspirimder arasyndaǵy nysana kózdeýden əlem chempıonatynda kúmis medal jeńip aldy, dep habarlaıdy, QazAqparat tilshisi.
Sportty damytý dırektsııasynan málimdegendeı, otandasymyz kishi kalıbrli vıntovkamen 50 metrden 3 pozıtsııada (tik turyp, jatyp, tizerlep turyp) oq atyp, 455.7 upaı jınady.
Bul saıysta shveıtsarııalyq Vıven Djoı Djeggı álem chempıony atandy. Ol Arına Altýhovadan 1,6 ball artyq jınady.
Qola medal de taǵy bir shveıtsarııalyq sportshy Emelı Djeggıge buıyrdy.
Aıta keteıik, jýyrda Arına Altýhova osy baǵdarlamada Qazaqstannyń VI jazǵy Spartakıadasynda kúmis medal jeńip alǵan.
Sondaı-aq birneshe aı buryn Djakartada ótken álem kýbogynda top jardy.
