Nysan quny naryq baǵasyna saı emes: jyljymaıtyn múlik salyǵynyń júıesi qaıta qaralady

ASTANA. QazAqparat – Qazir salyq salynatyn jyljymaıtyn múlikterdi baǵalaý qaǵıdasy nysannyń qunyn naryqtyq baǵaǵa sáıkes anyqtaýǵa múmkindik bermeıdi. Bul týraly Ulttyq ekonomıka mınıstrligi jarııalaǵan jańa Salyq saıasatynyń konsýltatıvtik qujatynda jazylǵan, dep habarlaıdy QazAqparat tilshisi.

«2022 jyly jeke tulǵalardyń múlik salyǵy boıynsha túsimder 18 mlrd teńge boldy. Sonymen qatar, obektilerdiń 68 paıyzynyń baǵalaý quny 2 mln teńgege deıin jáne olar boıynsha túsimder somasy 741 mln teńge nemese salyq boıynsha túsimderdiń jalpy somasynyń 6,73 paıyzy kóleminde boldy. Tek 4 paıyz obektiniń múliktiń baǵalaý quny 10 mln teńgeden asady, al túsimder somasy - shamamen 40 paıyz. Salyq salý maqsatynda obektilerdiń qunyn anyqtaý kezinde kóptegen koeffıtsıentter qoldanylady: qabaty, ornalasý, qabyrǵa materıaly, abattandyrý jáne jylytý túri. Alaıda, olar obektiniń qunyn naryqqa múmkindiginshe jaqyn bolatyndaı etip anyqtaýǵa múmkindik bermeıdi», - dep Ulttyq ekonomıka mınıstrligi jańa Salyq kodeksiniń konsýltatıvtik qujatynda derekter keltirilgen.

Bul máseleni sheshý úshin mınıstrlik kelesi sharalardy usynyp otyr:

- obektilerdiń eseptik quny naryqtyq baǵaǵa barynsha sáıkes bolatyndaı etip, múlikke salyq salý bazasyn qaıta qaraý;

- jer salyǵyn kadastrlyq qunǵa baılanystyrý.

Atalǵan sharalar 2024 jyldyń qazan aıynda jańa Salyq kodeksin qabyldaý kezinde eskeriledi.