Nyǵmatýlınniń tóraǵalyǵymen Májilistiń Bıýro otyrysy ótti
NUR-SULTAN. QazAqparat - Búgin Palata spıkeri Nurlan Nyǵmatýlınniń tóraǵalyǵymen Májilis Bıýrosy ótip, onda aldaǵy jalpy otyrystyń kún tártibiniń jobasy naqtylandy, dep habarlaıdy QazAqparat Májilistiń baspasóz qyzmetine silteme jasap.
Depýtattar qaraýyna oıyn bıznesi máselelerine qatysty zań jobasy I oqylymda usynyldy. Qujat qumar oıyndar salasyndaǵy zańnamadaǵy olqylyqtardy joıýǵa, sondaı-aq býkmekerler men lotereıalardyń qyzmetin baqylaýdyń tıimdiligin arttyrýǵa baǵyttalǵan.
Bıýro otyrysynda Halyq densaýlyǵy jáne densaýlyq saqtaý júıesi týraly kodeksi jáne Azamattyq protsestik kodeksine sottar jumysyna zamanaýı formattaryn endirý, artyq sot rásimderi men shyǵyndaryn qysqartý máselelerine qatysty zań jobalary II oqylymda qaraý usynyldy.
Sonymen qatar EEO pen Qytaı kedendik shekaralary arqyly ótkiziletin halyqaralyq tasymaldaǵy taýarlar men kólik quraldary jóninde aqparat almasý týraly kelisim týraly ratıfıkatsııalyq zań jobasy qarastyryldy.
Sondaı-aq, otyrysta Májilistiń salalyq komıtetteri birqatar jańa zań jobalaryn jumysqa aldy. Olar qaldyqtardy energetıkalyq kádege jaratý jáne TMD qatysýshy memleketterdiń ıadrolyq avarııa nemese radıatsııalyq avarııalyq ahýaldyń týyndaý jaǵdaıyna daıyndyqty jáne olardyń zardaptaryn joıý kezindegi ózara kómekti qamtamasyz etý týraly kelisimderge qatysty zań jobalary.
