Nyǵmatýlın: Joldaý Qazaqstanymyzdyń damý tarıhyndaǵy jańa kezeńdi bastady
ASTANA. QazAqparat - Májilis spıkeri Nurlan Nyǵmatýlın Palatanyń búgingi jalpy otyrysyn asha otyryp Elbasynyń Joldaýyna toqtala ketti.
«Prezıdentimiz Nursultan Ábishuly Nazarbaevtyń Joldaýy - elimizdiń tarıhı belesin bastaǵan óte mańyzdy qujat. Onda Elbasymyz Qazaqstan damýynyń jańa baǵyttaryn belgilep berdi.
Osy kezeńde ásirese, ulttyq ekonomıkany kóterýge erekshe óńil bólindi. Bul eń aldymen halyqtyń áleýmettik jaǵdaıyn kúsheıtýge yqpal etedi», - dedi N. Nyǵmatýlın.
Májilis spıkeriniń aıtýynsha, Joldaý zań shyǵarý organynyń aldaǵy naqty maqsattaryn kórsetýmen qatar, «100 naqty qadam» Ult Jospary aıasynda «Qazaqstan-2050» Strategııasyn nátıjeli júzege asyrý úshin barsha qazaqstandyqtardy bir maqsatqa biriktiretin qýatty kúshke ıe. Depýtattyq korpýstyń aldynda turǵan endigi basty mindet - mańyzdy qujatty elimizdiń árbir azamatyna, árbir otbasyna jetkizip, túsindirý. Keń kólemde nasıhat jumystaryn qolǵa alý.
Osyǵan baılanysty erteńnen bastap Májilis depýtattary barlyq aımaqtardy aralap, halyqpen kezdesýge shyǵady.
