Nyǵmatýlın jergilikti ózin-ózi basqarý sharalaryn der kezinde iske qosý qajettigin eskertti
ASTANA. QazAqparat - QR Parlament Májilisiniń tóraǵasy Nurlan Nyǵmatýlın Qarjy mınıstrligin jergilikti ózin-ózi basqarý máselelerine tańǵylyqty daıyndalýyn eskertti, dep habarlaıdy QazAqparat.
«Buǵan deıingi júıedegi sekildi bolmasyn (jalpyǵa ortaq deklaratsııalaý). Osynda sizderdiń áriptesterińiz 2017 jylǵy 1 qańtardan bastap iske qosýǵa ázir ekenin ýáde etken bolatyn, al keıinnen halyq narazylyǵyn bildire bastaǵan kezde bastaryn qumǵa jasyrǵandaı boldy. (...) Taǵy da qaıtalap aıtamyn, osy máselede kommýnıkatsııalyq júıe korrespondentsııasy jáne sizderdiń qazynashylyq aqparat júıesi arasyndaǵy baılanys mańyzdy. Qarjy mınıstrligi bul máseleniń mańyzdylyǵyn túsindi degen úmittemin»,-dep eskertti Nyǵmatýlın.
Óz kezeginde QR Qarjy vıtse-mınıstri Tatıana Saveleva jergilikti ózin-ózi basqarýdy damytý eki kezeńmen engiziletinin atap ótti.
Aıta keteıik, búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine jergilikti ózin-ózi basqarýdy damytý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy. Onda 2018 jyldan bastap Qazaqstanda jergilikti ózin-ózi basqarýǵa derbes bıýdjet engizý eskerilgen.
«Jergilikti ózin-ózi basqarý bıýdjeti aýdandyq mańyzy bar qala, aýyl, kent, aýyldyq okrýg deńgeıinde 2018 jyldan bastap halyq sany 2000 adamnan astam ákimshilik aýmaqtyq birlikterde, al 2020 jyldan bastap barlyq jerlerde memlekettik bıýdjettiń 4 deńgeıi retinde engiziletin bolady»,-dedi QR Ulttyq ekonomıka mınıstri Tımýr Súleımenov.
