Nyǵmatýlın Úkimet múshelerinen qoıylǵan saýalǵa naqty jaýap berýdi talap etti
ASTANA. QazAqparat - Búgin QR Parlamenti palatalarynyń birlesken otyrysy barysynda Májilis tóraǵasy Nurlan Nyǵmatýlın Úkimet múshelerinen naqty saýalǵa naqty jaýap berýdi talap etti, dep habarlaıdy QazAqparat.
Aıta keterligi, depýtattardyń bank sektoryn saýyqtyrý úshin Ulttyq qordan qarjy bólý máselesine qatysty saýalyna jaýap bergen Ulttyq bank tóraǵasy Danııar Aqyshev Problemaly kredıtter qoryna qatysty máselege Úkimet músheleri jaýap berýi kerektigin aıtqan bolatyn.
Osy rette Májilis spıkeri atalǵan suraqqa Úkimet músheleriniń biri jaýap bermesten buryn eskertý jasap ótti.
«Sultanovqa (Qarjy mınıstri) sóz bermesten buryn saýal qoıylatyn Úkimet múshelerine ótinishim bar. Bizde tizim óte úlken. Jaýap Qarjy mınıstriniń baıandamasynan 1,5 mınýtqa az boldy. Jalpy sholý sóz sóıleýlerdi basqa keńesterge qaldyryńyzdar. Bul jerde naqty saýal qoıyldy. Endige kredıttik resýrstar qoryna bastaý qajet. Tikeleı qoıylǵan saýalǵa tike jaýap berińiz. Bul búgin jaýap beretinderdiń barlyǵyna da qatysty. Barlyǵynyń da ýaqyty shekteýli. Biz bos áńgime aıtý úshin jınalyp otyrǵanymyz joq», - dedi Nyǵmatýlın.
