Nyǵmatýlın TMD PAA baıqaýshylar tobynyń úılestirýshisimen kezdesti

ASTANA. QazAqparat - Májilis Spıkeri Nurlan Nyǵmatýlın Reseı Federatsııasy federaldyq jınalysy Federatsııa keńesi tóraǵasynyń orynbasary, QR Parlamenti Senaty depýtattaryn saılaý barysyn baıqaýǵa qatysqan TMD PAA baıqaýshylar tobynyń úılestirýshisi Ilıas Ýmahanovpen kezdesti, dep habarlaıdy tómengi palatanyń baspasóz qyzmeti.

TMD PAA ókilderine óz alǵysyn jetkize kelip, N. Nyǵmatýlın bizdiń elimizdiń halyqaralyq standarttarǵa sáıkes ashyq, jarııaly, ádil saılaý ótkizýge aıryqsha mán beretinine toqtaldy.  

Óz kezeginde I. Ýmahanov: «Eldiń joǵary zań organynyń saılaý naýqany mańyzdy saıası oqıǵa. Onyń ústine Qazaqstan Prezıdenti Nursultan Nazarbaev usynǵan saıası reformadan keıin Parlamenttiń ókileti artýyna baılanysty bul saıası naýqannyń ózektiligi burynǵydan arta tústi», - dep atap ótti.  

Taraptar sondaı-aq, Qazaqstan men Reseı qarym-qatynasyna qatysty mańyzdy suraqtar boıynsha pikir almasty. Parlamentaralyq yntymaqtastyqty nyǵaıtýǵa da basa nazar aýdardy.