Nyǵmatýlın Seýl qalasynda birqatar kezdesý ótkizdi
ASTANA. QazAqparat - Májilis tóraǵasy Nurlan Nyǵmatýlın Eýrazııa elderi parlamentteri spıkerleriniń ekinshi jınalysyna qatysý barysynda birqatar parlament tóraǵalarymen ekijaqty kezdesýler ótkizdi, dep habarlaıdy QazAqparat.
«Eýrazııa aımaǵynda ortaq múddeler aıasynda parlamentaralyq yntymaqtastyqqa yqpal etý» taqyrybynda ótip jatqan forým barysynda alǵashqy júzdesý Koreıa Respýblıkasynyń Ulttyq Assambleıasynda ótti, dep habarlaıdy Májilistiń baspasóz qyzmeti.
Májilis tóraǵasy Chýng Se Gıýnmen parlamentaralyq únqatysýdy odan ári yntalandyrýdyń ózekti suraqtaryn talqylady. Qazaqstan men Koreıa arasyndaǵy strategııalyq áriptestikke basa nazar aýdarǵan N. Nyǵmatýlın EAEO úlken múmkindikterge jol ashatynyn atap ótti. Chýng Se Gıýn óz kezeginde bizdiń elimizben yqpaldastyqty tereńdetýge daıyn ekendikterin jetkizdi.
Al, Reseı Memlekettik dýmasy tóraǵasy Vıacheslav Volodınmen júzdesýde ıntegratsııalyq birlestikter aıasynda yntymaqtastyqty odan ári nyǵaıtý suraqtary talqylandy. Taraptar atap ótkendeı, Qazaqstan men Reseı basshylarynyń ózara belsendi is-qımyly qos memleket arasynda ornaǵan berik dostyq ári strategııalyq qarym-qatynastyń jarqyn kórinisi.
Sondaı-aq, Qazaqstan men Armenııa parlamentteri arasyndaǵy baılanysty damytýǵa dostyq toby barynsha yqpal etetin bolady. Onyń quramy taıaý ýaqytta Armenııanyń Ulttyq jınalysynda bekitiledi. Bul týraly Ulttyq Jınalys tóraǵasy Ara Babloıan Májilis tóraǵasy N. Nyǵmatýlınmen kezdesý barysynda málimdedi. Odan ári eki eldegi saıası ózgerister tóńireginde áńgime órbidi. 
Armenııa parlamenti ókilderi Qazaqstan Prezıdenti usynǵan konstıtýtsııalyq reforma qazaqstandyq qoǵamdy odan ári demokratııalandyrý jolyndaǵy kezekti mańyzdy qadam ekenin atap ótti.
A. Babloıan Astanada ótip jatqan EKSPO kórmesine joǵary baǵa berdi.
