Nyǵmatýlın RF Memlekettik Dýmasynyń tóraǵasy Volodınmen kezdesti
ASTANA. QazAqparat - Májilis Tóraǵasy Nurlan Nyǵmatýlın Sankt-Peterbýrgtegi 137-shi Parlamentaralyq Odaq Assambleıasyna qatysý aıasynda RF Memlekettik Dýmasynyń tóraǵasy Vıacheslav Volodınmen parlamentaralyq ózara is-qımyl máselelerin talqylady.
Áńgimelesý barysynda taraptar Qazaqstan men Reseı arasyndaǵy qarym-qatynastyń sıpaty, eki el prezıdentteriniń strategııalyq seriktestiginiń aıǵaǵy ekendigin atap ótti, dep habarlaıdy Májilistiń baspasóz qyzmeti.
Sonymen qosa N. Nyǵmatýlın men V.Volodın memleket basshylarynyń kelisimderin qazaqstandyq jáne reseılik depýtattardyń zańnamalyq qoldaýynyń mańyzdylyǵyna toqtaldy.
Sondaı-aq, ekijaqty qatynastar jáne UQShU Parlamenttik Assambleıasy aıasynda yntymaqtastyqty arttyrý máseleleri talqylandy. Eýrazııa elderi spıkerleriniń otyrysy, Májilis pen Memlekettik Dýmanyń beıindi komıtetteri músheleriniń birlesken kezdesýi jáne yntymaqtastyq jónindegi Palataaralyq komıssııa sııaqty mańyzdy alańdarǵa nazar aýdaryldy.
