Nyǵmatýlın reseılik áriptesimen kezdesti

NUR-SULTAN. QazAqparat - Májilis spıkeri Nurlan Nyǵmatýlın men Reseı Federaldyq jınalysy Memlekettik Dýmasynyń tóraǵasy Vıacheslav Volodınmen kezdesti, dep habarlaıdy QazAqparat Májilistiń baspasóz qyzmetine silteme jasap.

Taraptar parlamentaralyq ózara is-qımyldyń, sondaı-aq, erteń Nur-Sultanda bastalatyn Eýrazııa elderi parlamentteri spıkerleriniń 4-keńesine qatysty mańyzdy máselelerdi talqylady.

Taraptar eki memleket basshylary ózara túsinistik jáne dostyq qatynastaryna negizdelgen birlesken jumys nátıjesinde, elderimiz yntymaqtastyqtyń joǵary deńgeıge qol jetkizgenin atap ótti. Osy rette V. Volodın Qazaqstannnyń Tuńǵysh Prezıdenti Nursultan Nazarbaevtyń Reseımen qatynasty nyǵaıtýdaǵy jáne eýrazııalyq yntymaqtastyqty keńeıtýdegi zor róline toqtaldy.

N. Nyǵmatýlın men Volodın parlamentaralyq yqpaldastyqtyń da joǵary deńgeıin atap ótti.

«Úlken Eýrazııa: Dıalog. Senim. Seriktestik» dep atalatyn Eýrazııa elderi parlamentteri spıkerleriniń 4-shi keńesi josparlaryn talqylaı kelip, barlyq sharalar qatysýshy elderge jan-jaqty tıimdi jáne paıdaly pikir almasýǵa múmkindik beretinine toqtaldy. Májilis tóraǵasy atap ótkendeı, atalǵan bedeldi forýmdy ótkizý bizdiń elderimizdiń parlamentaralyq qarym-qatynasynyń joǵary deńgeıde ekeniniń naqty kórsetkishi.

Qazaqstanda alǵash ret ótkeli otyrǵan bedeldi forýmǵa 65 eldiń ókilderi men 14 halyqaralyq uıym músheleri keldi.