Nyǵmatýlın Reseıdiń Qazaqstandaǵy Elshisin qabyldady
ASTANA. QazAqparat - Búgin Májiliste Palata Tóraǵasy Nurlan Nyǵmatýlın Reseıdiń Qazaqstandaǵy Tótenshe jáne Ókiletti Elshisi Mıhaıl Bocharnıkovty qabyldady, dep habarlaıdy QazAqparat Májilistiń baspasóz qyzmetine silteme jasap.
Kezdesý barysynda Májilis Tóraǵasy Qazaqstan men Reseıdiń dıplomatııalyq qarym-qatynastarynyń ornaǵanyna 25 jyl tolýyna oraı, qos el áriptestiginiń ózara is-qımyly TMD keńistigindegi ıntegratsııalyq damýdyń mańyzdy bóligine aınalǵanyn atap ótti.
N.Nyǵmatýlın eki eldiń kóshbasshylary Nursultan Nazarbaev pen Vladımır Pýtınniń ózara túsinistik pen dostyqqa negizdelgen tıimdi birlesken jumysynyń nátıjesinde túrli salalar boıynsha eki jaqty yntymaqtastyqtyń joǵary nátıjelerine qol jetkizilgenin aıtty. Sonymen qosa, aımaqtyq jahandyq qaýipsizdik máselelerine, BUU Qaýipsizdik Keńesinde, UQShU, ShYU, AÓSShK-de eki eldiń birlesken jumysyna erekshe nazar aýdaryldy.
Taraptar eki eldiń parlamentshileri arasyndaǵy baılanystardy nyǵaıtýǵa shaqyrdy. Sonymen birge M.Bocharnıkov Qazaqstannyń halyqaralyq arenadaǵy jetistikterine toqtala otyryp, parlamentaralyq qarym-qatynasty nyǵaıtý eki jaqty ynpaldastyqtyń mańyzdy quramdas bóligi ekenin atap ótti.
