Nyǵmatýlın Parlamentaralyq odaq Assambleıasynyń sheńberinde kezdesýler ótkizdi
ASTANA. QazAqparat - Májilis Tóraǵasy Nurlan Nyǵmatýlın Sankt-Peterbýrgtaǵy Parlamentaralyq Odaqtyń 137-shi Assambleıasynyń qatysýshylarymen kezdesýler ótkizip, parlamentaralyq yntymaqtastyqty nyǵaıtý máselelerin talqylady, dep habarlaıdy Tómengi palatanyń baspasóz qyzmeti.
Fınlıandııanyń Parlament Tóraǵasy Marııa Lohelamen áńgimelesý barysynda odan ári yntymaqtastyqty arttyrýdyń mańyzdy baǵyttary aıqyndaldy.
Kezdesýde taraptar barlyq saladaǵy qazaqstandyq-fın únqatysýynyń turaqty túrde nyǵaıyp kele jatqanyn, sonymen qosa zańnamalyq deńgeıdiń mańyzdylyǵyn atap ótti.
N.Nyǵmatýlın men M.Lohela 2017-2018 jyldardyń BUU Qaýipsizdik Keńesiniń músheligi sheńberinde elimizdiń qyzmetine erekshe nazar aýdardy.
Ekijaqty seriktestik Májilis Tóraǵasy men Koreıa Respýblıkasynyń Ulttyq Assambleıasynyń tóraǵasy Chýng Se Gýnmen kezdeskende belsendi sıpatqa ıe boldy.
Reseı men Ońtústik Koreıada ótken eýrazııalyq elderdiń parlamentteri spıkerleriniń kezdesýi týraly aıtqan N.Nyǵmatýlın bul forýmdy parlamentshilerge aımaqtyq jáne jahandyq kún tártibindegi ózekti máseleler boıynsha pikir almasý úshin qosymsha únqatysý alańy dep atady.
Sonymen qosa, Parlamentaralyq odaq Tóraǵasy Saber Choýdhýrımen áńgime barysy Qazaqstan Parlamentiniń Parlamentaralyq Odaqpen yntymaqtastyǵyn odan ári damytý jáne nyǵaıtý týraly órbidi.
