Nyǵmatýlın: Otandyq óndirýshilerdi qoldaý kvazımemlekettik sektordyń satyp alý tıimdiligine baılanysty
Bul týraly Nurlan Nyǵmatýlın Májiliste «Samuryq-Qazyna» Ulttyq ál-aýqat qory basshylarynyń, Úkimet músheleriniń, sondaı-aq «Atameken» UKP-nyń qatysýymen ótken «Kvazımemlekettik sektordyń jekelegen sýbektilerin satyp alý týraly» zań jobasyn talqylaǵan otyrys barysynda aıtty.
- Memleket Basshysy Qasym-Jomart Kemeluly Toqaev aıtqandaı, kvazımemlekettik satyp alý salasyndaǵy ashyq jáne tıimdi protsester kóptegen ekonomıkalyq suraqtardy sheshýge múmkindik beredi. Birinshiden, otandyq óndiristi jáne óz ónimderimizdi qoldaýǵa jol ashady. Ekinshiden, bul shaǵyn jáne orta bızneske kómek bolady. Osynyń barlyǵy, jumys oryndaryn saqtap, áleýmettik jaǵdaıdy da odan ári damytýǵa yqpal etedi, - dedi Májilis Tóraǵasy.
Jıynda «Samuryq-Qazyna» UÁQ» AQ Basqarma Tóraǵasy Ahmetjan Esimov otandyq taýar óndirýshilerdi qoldaýǵa baǵyttalǵan «Samuryq-Qazyna» AQ satyp alý júıesi týraly depýtattar aldynda baıandama jasady.
Qor Basqarmasy basshysynyń aıtýynsha, satyp alý qyzmetinde qabyldanǵan sharalar erekshe ózektilikke ıe bolyp, pandemııa men ekonomıkalyq daǵdarys kezeńinde óziniń tıimdiligin dáleldedi.
Olardyń ishinde ımportty almastyrý baǵdarlamasy, satyp alýdy sanattyq basqarý, tenderlerdiń merzimderin qysqartý, sondaı-aq konkýrstarǵa qatysý úshin qajetti qujattar sany jáne t. b.
- Otandyq kásipkerlerden satyp alý úlesi 2019 jylǵy 45% - ǵa qaraǵanda 2020 jyly 83% - dy qurady. Aǵymdaǵy jyldyń 2 aıynda ol 90% - ǵa deıin ósti. Importty almastyrý baǵdarlamasy jańa óndiristerdi 76 mlrd. teńgege tikeleı qoldaýǵa yqpal etti. Tek 2020 jyly qazaqstandyq kásipkerlermen 280 myń adam jumyspen qamtyldy, bıýdjetke tólenetin salyq tólemderiniń kólemi 170 mlrd. teńgeni qurady, - dedi Ahmetjan Esimov.
Sonymen qatar, BasqarmaTóraǵasynyń aıtýynsha, kvazımemlekettik sektor sýbektileriniń satyp alý týraly jańa zańy satyp alý júıesin jetildirýge yqpal etpek.
Atalǵan zań jobasy týraly Májilis Tóraǵasy bul rette kvazımemlekettik sektor sýbektileri qyzmetiniń erekshelikterin eskeretinin atap ótti.
- Bizdiń elimizde kvazımemlekettik sektor sýbektileri ártúrli vektorly, kóp salaly sıpatqa ıe. Satyp alý rásimderin shamadan tys naqtylaý kompanııalardyń operatsııalyq qyzmetine teris áser etip, sondaı-aq olardyń ınvestıtsııalyq tartymdylyq deńgeıiniń tómendeýine ákelýi múmkin. Sondyqtan bul zań jobasy kvazımemlekettik sektor sýbektileriniń satyp alýyna qatysty bazalyq qaǵıdattar men tásilderdi qamtıdy,- dedi Nurlan Nyǵmatýlın.
Sondaı-aq, Májilis Spıkeri zań jobasy, bir jaǵynan, kvazımemlekettik sektor sýbektileriniń satyp alýynyń ashyqtyǵy men baqylanýy kerektigin aıtty.
- Satyp alýlardyń tıimdiligi, kvazımemlekettik sektorda da, ásirese, qazirgi Qazaqstannyń ekonomıkalyq belsendiligin qalpyna keltirý kezeńinde óte ózekti. Sondyqtan bizdiń mindetimiz – otandyq taýar óndirýshiler úshin kvazımemlekettik sektordyń satyp alýlarynyń qoljetimdiligi men ashyqtyǵyn arttyratyn sapaly zań qabyldaý. Memleket Basshysy Qasym-Jomart Kemeluly Toqaev Qazaqstan halqyna Joldaýynda dál osyndaı mindet qoıdy. Búgin osynda, Májiliste ótken mazmundy dıalog bizge-depýtattarǵa, Úkimetke jáne otandyq bıznes ókilderine zań jobasy boıynsha jumystyń biryńǵaı strategııasyn ázirleýge múmkindik beredi, - dep qorytyndylady sózin Nurlan Nyǵmatýlın.
Zań jobasynda, atap aıtqanda, satyp alýdyń jańa tásili – elektrondyq tetikti engizý usynylady. Eger mundaı taýarlardyń qundyq mándegi jyldyq kólemi AEK on myń eselengen mólsherinen aspasa, elektrondyq katalogtaǵy birtekti taýarlarǵa osyndaı tásilmen satyp alýdy júrgizý josparlanýda.
Sonymen qatar konkýrstan tys satyp alýlarǵa qoıylatyn talaptardy arttyrý usynylady. Qoǵamdyq baqylaý ınstıtýty engizilýde. Sondaı-aq áleýetti ónim berýshilerge shart jasasýǵa jol berilmeıtin satyp alý qorytyndylaryna shaǵymdaný úshin merzim berý usynylady. Kvazımemlekettik sektordyń jekelegen sýbektileriniń satyp alýyn tolyq avtomattandyrýdy qamtamasyz etý josparlanýda, bul elektrondyq kameraldyq baqylaýdy qurýǵa múmkindik beredi.
