Nyǵmatýlın men Fınlıandııa Parlamentiniń vıtse-spıkeri Astanadaǵy EKSPO jaıly pikir almasty

ASTANA. QazAqparat - Búgin Májilis tóraǵasy Nurlan Nyǵmatýlın Fınlıandııa Parlamenti tóraǵasynyń birinshi orynbasary Maýrı Pekkarınenmen kezdesti, dep habarlaıdy QazAqparat.

Fın parlamentshisi Astanada «Innovatsııalar ekonomıkasyn zańnamalyq turǵydan qamtamasyz etý» taqyrybymen ótip jatqan Halyqaralyq parlamenttik konferentsııaǵa qatysýda.
Májilis baspasóz qyzmetiniń habarlaýynsha, taraptar Qazaqstan men Fınlıandııa arasyndaǵy yntymaqtastyqtyń joǵary deńgeıde ekendigin oǵan memleket basshylarynyń dostyq qatynastary ıgi yqpal etetinin tilge tıek etti. Qazaqstan-fın seriktestikteriniń keleshekte de keńeıe berýine jaqynda ǵana elimizge kelip ketken Fınlıandııa Prezıdenti Saýlı Nıınısteniń is saparynyń nátıjesine de baılanysty.
N. Nyǵmatýlın men M.Pekkarınen parlamentaralyq ózara baılanystardy órkendetý máselesin de qozǵady.
Fın parlamentshisi Astanadaǵy EKSPO jaıynda - onyń joǵary deńgeıde uıymdastyrylyp ótip jatqanyna toqtaldy. Ári osy kórmeden Qazaqstannyń álem aldynda abyroıy kóterile túsetinine senim bildirdi. Sonymen qatar M.Pekkarınen «jasyl tehnologııany» damytý - dúnıejúziniń aldynda turǵan ózekti másele ekendigin de atap ótti.