Nyǵmatýlın medıtsınalyq saqtandyrý júıesin engizýde dúrligýge jol bermeýge shaqyrdy
ASTANA. QazAqparat - Medıtsınalyq saqtandyrý júıesin engizýde tirkeý kezindegi túsinispeýshilikter qaıtalanbaýy tıis. Mundaı pikirdi búgin Palatanyń jalpy otyrysynda Májilis tóraǵasy Nurlan Nyǵmatýlın bildirdi, dep habarlaıdy QazAqparat.
Májilistiń baspasóz qyzmetiniń habarlaýynsha, densaýlyq saqtaý máseleleri boıynsha zańnamalyq túzetýlerdi alǵashqy oqylymda qaraý barysyndaǵy eń kóp talqylanǵan máselelerdiń biri - medıtsınalyq saqtandyrýdy engizýge aqparattyq júıeniń daıyndyǵy boldy. Májilis spıkeri jyl basynda HQO-larda azamattardy tirkeýdiń jańa tártibin júzege asyrýǵa jaýapty memlekettik organdardyń daıyn bolmaǵanyn eske salyp, ótken qatelikterdi qaıtalamaý úshin aldyn ala barlyq qaýip-qaterlerdi nazarǵa alý qajettigin basa aıtty. - Tirkeý barysynda qandaı aıǵaı-shý, qandaı dúrligý bolǵanyn bilesizder. Osyǵan baılanysty, «Azamattarǵa arnalǵan úkimetke», ákimdikterge Áleýmettik medıtsınalyq saqtandyrý qorymen birlesip, jańa júıege enýge halyq daıyn bolatyndaı jumystardy uıymdastyrýy qajet. Jáne bul jumystardy medıtsınalyq qyzmetkerlerden bastaý kerek, olar kúzge deıin medıtsınalyq mekemelerge tirkelgen azamattardyń medıtsınalyq saqtandyrý júıesindegi mártebesimen birge tizimin qurýy tıis, - dedi Nyǵmatýlın.
Májilis tóraǵasynyń aıtýynsha, eger bul uıymdastyrý protsesi 2018 jyldyń qańtar aıyna deıin sozylyp ketse, emhanalar taǵy da kezekke tolyp, halyqtyń narazylyǵy týyndaýy múmkin. - Zań jobasynda bári durys. Tek ony naqty júzege asyrý qajet. Medıtsınalyq saqtandyrý júıesin engizýdetirkeý kezindegi túsinispeýshilikter qaıtalanbasyn», - dep atap ótti Nyǵmatýlın.
