Nyǵmatýlın: Eýrazııalyq elder ıntegratsııasy - Elbasy jobalarynyń is júzinde oryndalýy
ASTANA. QazAqparat - Májilis tóraǵasy Nurlan Nyǵmatýlın Eýrazııa elderi parlamentteri ókilderin eýrazııalyq yntymaqtastyqty damytý jáne nyǵaıtý úrdisine belsene aralasýǵa shaqyrdy, dep habarlaıdy tómengi Palatanyń baspasóz qyzmeti.
Bul týraly N. Nyǵmatýlın «Eýrazııa aımaǵynda ortaq múddeler aıasynda parlamentaralyq yntymaqtastyqqa yqpal etý» taqyrybynda Ońtústik Koreıanyń Seýl qalasynda ótip jatqan Eýrazııa elderi parlamentteri tóraǵalarynyń ekinshi jınalysynda sóılegen sózinde atap ótti.
Májilis Spıkeriniń pikirinshe, Qazaqstan Prezıdenti Nursultan Nazarbaev aıtqan Evrazııalyq ıdeıa makroaımaqtyq ıntegratsııalyq jobalar túrinde júzege asyp, is júzinde óz tıimdiligin dáleldedi. Olardyń qatarynda EAEO, AÓSShK jáne ShYU ataýǵa bolady.
Bul mańyzdy qadamdar ulttyq ekonomıkanyń básekege qabiletin arttyrýǵa, Azııada qaýipsizdiktiń perspektıvalyq júıesin qurýǵa, transshekaralyq baılanystardy damytýǵa, sondaı-aq, bilim, áleýmettik, mádenı salalarda ózara tıimdi is-qımyldy nyǵaıtýǵa baǵyttalǵan.
Óz sózinde Májilis Tóraǵasy elimizde júzege asyrylyp jatqan «Nurly jol», «Batys Eýropa-Batys Qytaı» baǵdarlamalary jaıynda da sóz etti.
«Integratsııa jolyndaǵy naqty qadamdar - Nursultan Nazarbaevtyń eýrazııalyq jobalarynyń is júzinde oryndalýy», - dedi N. Nyǵmatýlın.
Osy rette Májilis Tóraǵasy halyqaralyq terrorızm jáne lańkestik, zańsyz kóshi-qon, uıymdasqan transulttyq qylmys syndy basqa da halyqaralyq deńgeıdegi ózekti suraqtarǵa toqtaldy.
Atalǵan mańyzdy jıynǵa 27 eldiń ókilderi qatysýda.
Jınalys nátıjesi boıynsha qorytyndy qujat - Seýl málimdemesi qabyldanady dep kútilýde.
