Nyǵmatýlın depýtattardy erteńgi mańyzdy sharalardan qalmaýǵa shaqyrdy

ASTANA. QazAqparat - Búgin QR Parlamenti Májilisiniń tóraǵasy Nurlan Nyǵmatýlın palata depýtattaryn Táýelsizdiktiń 25 jyldyǵyna arnalǵan sharalarǵa belsendi túrde qatysýǵa shaqyrdy, dep habarlaıdy QazAqparat.

«Qurmetti áriptester, barshalaryńyzdy kele jatqan Táýelsizdik kúnimen shyn júrekten quttyqtaımyn! Astanadaǵy merekelik sharalarǵa toqtalatyn bolsaq, erteń saǵat 11:00-de Táýelsizdik saraıynda saltanatty jıyn ótedi. Al saǵat 16:00-de el basshylyǵynyń qatysýymen «Astana Operada» mereıtoılyq dataǵa oraı teatrlandyrylǵan kontsert bolady. Sonymen qatar 16 jeltoqsanda saǵat 11:00-de EKSPO aýmaǵynda «Uly Dala Eli» monýmenti  ashylady»,-dep toqtaldy Májilis tóraǵasy.

Osy rette N. Nyǵmatýlın bul sharalarǵa depýtattar shaqyrylyp otyrǵandyǵyn jetkizdi.

«Bul mańyzdy sharalarǵa belsendi túrde qatysyńyzdar degen tilek bar», - dedi ol jalpy otyrysta depýtattarǵa qaratyp aıtqan sózinde.