Nyǵmatýlın Bishkekte UQShU elderi Parlamenti ókilderimen qaýipsizdik máselelerin talqylady
BІShKEK. QazAqparat - Májilis tóraǵasy Nurlan Nyǵmatýlın Bishkekte UQShU elderi Parlamenti ókilderimen birqatar ekijaqty kezdesýler ótkizdi, dep habarlaıdy QazAqparat Májilis baspasóz qyzmetine silteme jasap.
Nurlan Nyǵmatýlın bastaǵan delegatsııa UQShU Parlamenttik assambleıasynyń kóshpeli otyrysyna qatysyp jatyr.
«Osy oraıda, Armenııa, Belarýs, Reseıden kelgen áriptestermen beıbitshilik pen qaýipsizdikti nyǵaıtý jáne bolashaq josparlar áńgime ózegine aınaldy.
Nurlan Nyǵmatýlın Armenııa Ulttyq Jınalysy tóraǵasy Ararat Mırzoıanmen parlamentaralyq dıalogty damytýǵa ýaǵdalasty. Al, qazaqstandyq - armıandyq qatynastar týraly sóz etkende, Májilis tóraǵasy bıyl Armenııa tóraǵalyq etip jatqan EAEO múmkindigin paıdalanýdyń mańyzdylyǵyn atap ótti», delingen habarlamada.
Armenııa Ulttyq Jınalysynyń tóraǵasy 23-24 qyrkúıekte Nur-Sultan qalasynda «Úlken Eýrazııa. Dıalog. Senim. Áriptestik» taqyrybynda ótetin Eýrazııa elderi parlamentteri spıkerleriniń IV keńesine qatysatyndyǵyn jetkizdi. Mańyzdy forýmdy ótkizý Qazaqstannyń Tuńǵysh Prezıdenti - Elbasy Nursultan Nazarbaevtyń eýrazııalyq ıdeıasynyń 25 jyldyǵyna arnalǵan.
Belarýs Ulttyq Jınalysy Ókilder Palatasynyń tóraǵasy Vladımır Andreıchenkomen júzdesýde taraptar ózara túsinisitik pen dostyqqa negizdelgen ekijaqty baılanysty belsendi nyǵaıtýǵa aıryqsha nazar aýdardy. Osy rette Belarýs Parlamentiniń tóraǵasy shaǵyn jáne orta bıznes, MJÁ, tsıfrlandyrý basqa da salalardy damytý boıynsha Qazaqstannyń Tuńǵysh Prezıdentiniń bastamalaryn júzege asyrý jolyndaǵy jetistikterge toqtaldy.
Kelissózder barysynda Májilis tóraǵasy men Reseı Memlekettik Dýma spıkeri Vıacheslav Volodın osy jyly bolatyn parlamenttik sharalardy sóz ete kelip, aldaǵy mańyzdy forýmǵa daıyndyq máselelerine toqtaldy.
N. Nyǵmatýlın atap ótkendeı, qazirdiń ózinde 48 memleket, onyń ishinde, 40-y Parlamentter basshylarynyń, 16-sy halyqaralyq jáne parlamenttik uıymdar deńgeıinde ózderiniń qatysatyndyqtaryn rastaǵan.
Memlekettik Dýma tóraǵasynyń pikirinshe, Qazaqstan astanasynda ótetin sharaǵa nıet bildirýshilerdiń kóptigi - Parlament spıkerleri deńgeıinde talqylanatyn suraqtar úshin atalǵan forým búgingi kúni eń tıimdi ári qajetti tásil ekeniniń dáleli. 
Aıta keteıik, osy kúni Májilis tóraǵasy UQShU Parlamenttik Assambleıasy Keńesi otyrysyna qatysady.
