Nyǵmatýlın bılik ókiline baǵynbaǵany úshin aıyppuldy arttyrýǵa qarsy pikir aıtty
ASTANA. QazAqparat - QR Parlamenti Májilisiniń tóraǵasy Nurlan Nyǵmatýlın bılik ókilderine baǵynbaǵany úshin aıyppul kólemin arttyrýǵa qarsylyq bildirdi.
Bul jaıynda ol palatanyń búgingi jalpy otyrysynda «Qazaqstan Respýblıkasynyń keıbir zańnamalyq aktilerine quqyq qorǵaý júıesin jetildirý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda málim etti, dep habarlaıdy QazAqparat.
«Memleket basshysy aýyr emes nemese ortasha aýyrlyqtaǵy qylmystyq qylyqtar úshin jazany jeńildetý maqsatyn qoıdy. Onyń ornyna zań jobasynda aıyppuldardy qatańdatyp, onyń kólemin 11 mln. teńgege deıin arttyrý usynylyp otyr»,-dedi N. Nyǵmatýlın.
Zań jobasynda tótenshe jaǵdaı jáne lańkestikke qarsy operatsııa aımaǵynda bılik ókiline qatysty kúsh kórsetken nemese baǵynbaǵany úshin jaza qatańdatylady. Quqyq qorǵaý, arnaýly memlekettik organdar qyzmetkerleriniń jáne áskerı qyzmetshiniń ómirine qolsuǵýshylyq úshin jaýaptylyq belgilenedi.
Bılik ókiline baǵynbaǵany úshin aıyppuldy júz AEK-ten eki júz AEK-ke deıin arttyrý usynylyp otyr, al ómirge nemese densaýlyqqa qaýipti emes kúsh kórsetkeni úshin eki myń AEK-ten bes myń AEK-ke deıin kóterý eskerilgen.
Osy oraıda Nyǵmatýlın aıyppuldy arttyrý óz kezeginde qylmystylyqty tómendetýge kepildik bermeıtinin aıta kele, zań jobasyn ekinshi oqylymda qarastyrý kezinde tıisti túzetýler engizýdi usyndy.
