Nyǵmatýlın áriptesterin «Shyn júrekten» telebaǵdaramasyna belsendi qatysýǵa shaqyrdy
Osyǵan oraı búgin QR Parlamenti Májilisiniń tóraǵasy Nurlan Nyǵmatýlın áriptesterin sharaǵa belsendi qatysýǵa shaqyrdy.
«Erteń 29 qyrkúıek kúni tańerteńgi saǵat 10-da «Qazaqstan» telearnasynda Elbasynyń tapsyrmasymen «Qazaqstan halqy Assambleıasy» bastamashylyq jasaǵan «Shyn júrekten» qaıyrymdylyq telemarafony bastalady. Bul bastama QHA sessııasy kezinde kóterilgen edi. Endi «Qazaqstan» telearasymen birge turaqty negizde «Shyn júrekten» dep atalatyn qymbat em alýdy qajet etetin aýyr naýqasqa shaldyqqan balalarǵa jáne turmystyń taýqymetine dýshar bolǵan azamattarǵa qaıyrymdylyq kómek retinde qarajat jınaý úshin uıymdastyrylmaq. Depýttar ár ýaqytta da mundaı sharadan tys qalǵan emes. Parlament depýtattary mundaı sharalarǵa belsendi qatysyp keledi. Sondyqtan erteń sizder múmkinshilik taýyp qatysasyzdar dep oılaımyn. Ótinish, bárimiz belsendi qatysaıyq»,- dedi Májilis spıkeri.
Aıta keteıik, qaıyrymdylyq telemarafonyn koǵam qaıratkerleri, depýtattar, aqyn-jazýshylar, sportshylar, dárigerler men aýyr naýqasyn jeńgender qoldady. Al Qostanaı, Óskemen, Oral, Taraz jáne Almaty qalalary tikeleı efırge qosylady.
Joba birishi ret uıymdastyrylyp otyrǵan joq. 2016 jyldyń sáýir aıynda alǵashqy «Shyn júrekten» asa aýqymdy qaıyrymdylyq telemarafony júzege asyryldy. Úshkúndik telemarafon qorytyndysy boıynsha shamamen 41 mıllıon teńge jınaldy, al kómekke zárý balalardyń barlyǵynyń esepshottaryna 700 myń teńgeden aýdaryldy. Qaýyrt jeli, ınternet-portal jáne áleýmettik jelidegi arnaıy paraqsha arqyly 1000-nan astam ótinish tústi.