Nyǵmatýlın: Alǵys aıtý kúni – halyqty birlik-berekege shaqyratyn eń jarqyn mereke
« Alǵys aıtý meıramy 2016 jyly Elbasy, Tuńǵysh Prezıdentimiz Nursultan Ábishuly Nazarbaevtyń bastamasymen belgilenip, sodan beri barsha qazaqstandyqtardyń bir-birine degen qurmetin kórsetip, rızashylyǵyn bildiretin, birlik-berekege shaqyratyn memleketimizdegi eń jarqyn merekelerdiń birine aınaldy. Sondaı-aq, ulttar arasyndaǵy baýyrlastyqty odan ári tereńdetip, jas urpaqty meıirimdilikke, otansúıgishtikke tárbıeleıtin erekshe mereke» - dedi Palata Spıkeri.
Osy rette, Nurlan Nyǵmatýlın turaqtylyq pen jalpyulttyq qundylyqtardy saqtaý jáne odan ári nyǵaıtý Memleket Basshysy Qasym-Jomart Toqaevtyń eldi damytý jolyndaǵy negizgi baǵytynyń biri ekenin aıtty.
Sonymen qatar, Palata Spıkeri Qazaqstan halqy Assambleıasynyń róline, onyń ishinde, Májilistegi Assambleıadan saılanǵan depýtattardyń elimizdi damytýda eseli eńbek etip kele jatqanyna nazar aýdardy.
Májilis Tóraǵasy Táýelsiz Qazaqstanymyzdyń tiregi sanalatyn barsha halqymyzǵa óz alǵysyn bildirip, árbir otbasyna, árbir azamatqa densaýlyq, uzaq ǵumyr, beıbit ómir tiledi.
