NVO telearnasymen Fırýza Sháripovanyń «Taqtar oıyny» serıalyna túsýi talqylandy
ASTANA. QazAqparat - Fırýza Sháripovanyń FSK Promotion kompanııasynyń marketıng jónindegi dırektory Olesıa Voıakına álemdik telearnalarmen jáne Monakoda SportTel kórmesindegi kompanııalarmen bolǵan kelissózder jaıynda aıtyp berdi, dep habarlaıdy QazAqparat.
Taratylǵan málimetke qaraǵanda, kezdesýlerdiń biri NVO telearnasynyń ókilderimen ótip, onda osy telearna uıymdastyratyn boks keshterine Fırýzanyń qatysýy usynysy talqylandy.
«Sonymen qatar F. Sháripovanyń «Taqtar oıyny» teleserıalyna qatysýy sóz boldy. Bul turǵyda eń basty másele sportshynyń aldaǵy kestesine qatysty bolyp otyr. ıAǵnı 2018 jylǵa Fırýzanyń josparlaǵan sharalary óte kóp. Bıyl ol serıaldyń túsirilimine qatysa almaıtyny belgili, óıtkeni 30 jeltoqsandaǵy jekpe-jekke daıyndalyp jatyr. Osy oraıda Fırýzanyń kestesi men serıalǵa túsý ýaqytyn ózara qıystyrý jaǵdaıy talqylandy. Biz óz kezegimizde Fırýzaǵa qolaıly datalardy usyndyq. Qarashanyń sońyna deıin bul máselege núkte qoıylady, osydan keıin onyń atalǵan serıalǵa túsýi yqtımaldyǵy men qandaı róldi somdaýy múmkin ekenin naqty jarııalaı alamyz», - deıdi Voıakına.
Onyń sózine qaraǵanda, eń jemisti ári qyzyqty kezdesýlerdiń biri UFC ókilderimen ótken. Fırýzanyń menedjeri Sergeı Zavıleıskıı usynystardy tanystyryp, olardyń barlyǵy qoldaýǵa ıe bolǵan.
F. Sháripovanyń 30 jeltoqsandaǵy jekpe-jegi UFC Pass platformasynda kórsetilmek. UFC Pass - jekpe-jekterdi kórsetetin ınternet-platforma.
Sondaı-aq taǵy bir kezdesý Monako profı-boks federatsııasy ókilderimen ótti. Onda 2018 jyly Monte-Karlodaǵy eń tanymal kazınoda Fırýzanyń jekpe-jegin uıymdastyrý sharasy talqylandy. Qazirgi kezde kezdesýdiń talaptary men datasy qarastyrylýda.
«Jalpy, Monakoda júzden astam kezdesý ótkizip, onyń qorytyndysy boıynsha 30 jeltoqsanda Almatyda ótetin álem chempıony tıtýly úshin Fırýza Sháripovanyń jekpe-jegin 50-den astam telearna kórsetpek», - dep naqtylady Olesıa Voıakına.
Aıta keteıik, 30 jeltoqsanda Almatyda qazaqstandyq sportshynyń Belgııadan keletin Djemılla Gontarıýkpen jekpe-jegi josparlanǵan.
