NVIDIA JI jelilerin jedeldetý úshin Marvell-ge 2 mıllıard dollar ınvestıtsııalaıdy
ASTANA. KAZINFORM — NVIDIA jelilik tehnologııalardy damytý jáne derekter ortalyqtaryndaǵy jasandy ıntellekt chıpterin jedeldetý úshin Sılıkon alqabyndaǵy chıp óndirýshi Marvell kompanııasyna 2 mıllıard dollar ınvestıtsııalaıdy, dep habarlaıdy FT.
Kompanııa ókilderiniń habarlaýynsha, yntymaqtastyq kremnıı fotonıkasyna — derekterdi óńdeý ortalyqtarynda tasymaldaýdy jedeldetetin optıkalyq tehnologııalarǵa baǵyttalady.
Seriktestiktiń maqsaty — jasandy ıntellekt jáne NVIDIA grafıkalyq protsessorlaryna arnalǵan arnaıy chıpterdiń biriktirilýin tutynýshylarǵa múmkindiginshe yńǵaıly etý.
Marvell qazir Amazon sııaqty iri amerıkalyq kompanııalarǵa jasandy ıntellektige arnalǵan jeke údetkish chıpterdi jasaýǵa kómektesip otyr. NVIDIA kompanııasymen seriktestik osy tehnologııalardy engizýdi jedeldetýge jáne derekter ortalyqtarynyń tıimdiligin arttyrýǵa múmkindik beredi.
Buryn Marvell Celestial AI kompanııasyn 3,3 mıllıard dollarǵa satyp alǵan edi. Bul kompanııa júz myńdaǵan jasandy ıntellekt údetkish chıpterin qýatty klasterlerge biriktirýge múmkindik beretin tehnologııalardy damytady. Bul Google Gemini, Anthropic Claude jáne ChatGPT sııaqty júıelerdiń negizin quraıdy.
Jańalyq jarııalanǵan soń Nıý-Iork qor bırjasynda Marvell aktsııalary shamamen 9–11% artty, al sońǵy bir jylda kompanııanyń deńgeıi 50 paıyzdan astam ósti, onyń naryqtyq kapıtalızatsııasy shamamen 83 mıllıard dollarǵa jetti.
Aıta keteıik, Qazaqstanda NVIDIA kompanııasymen seriktestikte egemen esepteý haby qurylyp jatyr.
Sonymen qatar jýyrda ǵana NVIDIA Qytaıǵa arnalǵan H200 JI chıpterin qaıta shyǵara bastady.
