NVIDIA Qytaıǵa arnalǵan H200 JI chıpterin qaıta shyǵara bastady
ASTANA. KAZINFORM – Amerıkalyq Nvidia kompanııasy AQSh-tyń Qytaıǵa qatysty eksporttyq shekteýlerin saqtaý úshin arnaıy jasalǵan H200 protsessor modelderiniń birin qaıta óndire bastady, dep habarlaıdy SCMP.
Kompanııanyń bas dırektory Djensen Hýannyń atap ótýinshe, Nvidia kompanııasy AQSh úkimetinen H200-ge eksporttyq lıtsenzııalaryn alyp, tapsyrystar qabyldaı bastady. Ol óndiris birneshe apta buryn qaıta jandanǵanyn jáne jetkizý tizbekteri qaıtadan qarqyn alyp jatqanyn qosyp ótti.
Qytaıdaǵy H200 chıpteriniń satylymy NVIDIA kompanııasynyń Blackwell jáne Rubin AI chıpterinen túsetin kirisi 2027 jyldyń sońyna deıin 1 trln dollardan asatyny týraly boljamyna kirmegen.
Eske sala ketsek, ótken jyly Nvidia aldyńǵy býyn Hopper arhıtektýrasyna negizdelgen H200 chıpiniń óndirisin toqtatty. Buǵan AQSh pen Qytaıdaǵy ákimshilik kedergilerdiń artýy sebep boldy.
Osyǵan deıin Nvidia 2026 jyldyń aqpanynda Qytaıǵa JI chıpterin jetkize bastaıtynyn habarlaǵan bolatynbyz.