Nvidia Huawei-diń ósýine baılanysty Qytaıda oryndaryn joǵaltty
ASTANA. KAZINFORM — Qytaıda Nvidia kompanııasynyń jasandy ıntellekt chıpteriniń satylymy AQSh-tyń eksporttyq shekteýleri men jergilikti óndirýshi Huawei-diń ósýine baılanysty aıtarlyqtaı tómendedi, dep habarlaıdy ABC News.
Vashıngton Nvidia kompanııasynyń ozyq chıpterin jetkizýdi shektegen kezde Qytaı óz tehnologııalaryn belsendi túrde damytty. Nátıjesinde Huawei Nvidia kompanııasynyń Qytaı naryǵyndaǵy úlesine derlik jetti. Óz kezeginde sarapshylar onyń kóshbasshylyǵy óse beretinin boljap otyr.
Qor naryǵyn jáne brokerlik operatsııalardy zertteýmen aınalysatyn Bernstein esebine sáıkes, Nvidia-nyń qytaılyq JI-chıpteri naryǵyndaǵy úlesi 2025 jyly shamamen 40% quraıdy dep baǵalandy, bul shamamen Huawei kompanııasynyń úlesine sáıkes keledi.
Bernstein boljamynsha, Nvidia-nyń naryqtaǵy úlesi bıyl shamamen 8%-ǵa deıin tómendeıdi, al Huawei úlesi shamamen 50%-ǵa deıin ósýi múmkin.
Keıbir kórsetkishter boıynsha Huawei kompanııasynyń Ascend 950 serııasyndaǵy eń ozyq kommertsııalyq JI-chıpterin sala sarapshylary Nvidia kompanııasynyń eń qýatty ónimderiniń biri dep sanaıtyn H200-men salystyrýǵa bolady.
OpenAI-dyń ChatGPT jáne Anthropic-tyń Claude kompanııalarynyń tez damyp kele jatqan qytaılyq básekelesi DeepSeek sáýir aıynda shyǵarylǵan sońǵy V4 AI modeli Huawei kompanııasynyń ozyq Ascend chıpterine beıimdelgenin málimdedi.
Morningstar taldaýshysy Felıks Lı Qytaıda jasalǵan chıpter Nvidia chıpterin áleýetti almastyra alady dep sanaıdy.
Osyǵan deıin NVIDIA JI jelilerin jedeldetý úshin Marvell-ge 2 mlrd dollar ınvestıtsııalaıtynyn habarladyq.
