Nvidia 2026 jyldyń aqpanynda Qytaıǵa JI chıpterin jetkize bastaıdy
ASTANA. KAZINFORM — Amerıkalyq Nvidia kompanııasy qytaılyq tutynýshylarǵa H200 jasandy ıntellekt chıpterin Qytaıǵa 2026 jyldyń aqpan aıynyń ortasyna deıin jetkizýdi bastaý nıeti týraly habarlady, dep habarlaıdy South China Morning Post.
Chıp ázirleýshisi alǵashqy tapsyrystardy qolda bar qoryn paıdalanyp oryndamaq. Derekkózderdiń baǵalaýynsha, jetkizilimniń jalpy kólemi 5 myńnan 10 myńǵa deıin modýldi quraýy múmkin, bul shamamen 40-80 myń H200 JI chıpterine teń.
Kompanııa sonymen qatar qytaılyq tutynýshylardy osy chıpterdiń óndiristik qýatyn keńeıtý josparlary týraly habardar etti. Jańa qýatqa tapsyrystar 2026 jyldyń ekinshi toqsanynda ashylady dep kútilip otyr.
Eske sala ketsek, Donald Tramp 9 jeltoqsanda TruthSocial áleýmettik jelisindegi jazbasynda QHR tóraǵasy Sı Tszınpındi AQSh-tyń Nvidia kompanııasyna ulttyq qaýipsizdik talaptaryn oryndaý jaǵdaıynda H200 JI chıpterin jetkizýge ruqsat berý josparlary týraly habarlaǵanyn málimdedi.
Buǵan deıin AQSh Qytaıǵa jóneltetin NVIDIA H200 taýarlary derekteriniń ashyqtyǵyn talap etkenin jazǵan bolatynbyz.