Nurjuman Yqtymbaev pen Satybaldy Narymbetov jaıly eki derekti fılm túsirilip bitti

ASTANA. QazAqparat - Otandyq kınematograftyń metrlary - akter Nurjuman Yqtymbaev pen rejısser Satybaldy Narymbetovtyń ómiri men shyǵarmashylyǵyna arnalǵan eki derekti fılmniń túsirilimi aıaqtaldy, dep habarlaıdy QazAqparat.

Eki týyndy da – «Túpsiz qurdym» jáne «Qyz jylaǵan» QR Mádenıet jáne sport mınıstrliginiń tapsyrysy boıynsha Ulttyq kınony qoldaý memlekettik ortalyǵynyń kómegimen túsirilgen.

Belgili derekti kıno rejısseri Satybaldy Tekeev eki ataqty kınematografıst jaıly oqıǵany óte jyly jáne asa qurmetpen aıta aldy jáne keıipkerlerdi uly danyshpan emes, jaqyn dostar retinde kórsete bildi.

Buǵan avtor tańdaǵan túsirilim tásilderi, qurylymdyq stsenarıı jáne kadrda áıgili kıno qaıratkerlerimen qarym-qatynasynyń egjeı-tegjeıin ashatyn adamdar yqpal etti.

Rejısserdiń ózi de kezinde Satybaldy Narymbetov pen Nurjuman Yqtymbaevtyń shyǵarmashylyǵynan shabyttanyp, óziniń mansabyn osy tulǵalardyń jumystaryn kórýden bastaǵan bolatyn.

«Eger osy fılmder de jańa kınematografıster úshin óz áleýetin ashýǵa ynta beretin bolsa, onda kartınalar óz mindetin oryndaı aldy», - deıdi fılm rejısseri S. Tekeev.

Fılmder qazaq tilinde jasalǵan.

Eki kartınanyń da tusaýkeseri 2023 jylǵa josparlanǵan.