Nurjuman Yqtymbaev Almaty oblysynyń qurmetti azamaty atandy
ALMATY. 16 mamyr. QazAqparat /Erlik Erjanuly/ - Halqyma bererim áli de kóp. Qazaqstannyń halyq ártisi, KSRO Memlekettik syılyǵynyń ıegeri Nurjuman Yqtymbaev ótken senbi kúni Almatyda ótken «Qazaqtyń Nurjumany» dep atalatyn shyǵarmashylyq keshinde osylaı aıtty.
Qazaqtyń Muhtar Áýezov atyndaǵy memlekettik akademııalyq drama teatrynda ótken bul sharany N. Baıjumanulynyń 70 jyldyq mereıtoıyna oraı Sháken Aımanov atyndaǵy «Qazaqfılm» kınostýdııasy uıymdastyrǵan bolatyn. «Qazaq jerinde, qazaq bolyp týǵanyma ózimdi baqyttymyn dep sanaımyn», - degen mereıtoı ıesine QR Prezıdenti Nursultan Nazarbaev, Mádenıet mınıstri Muhtar Qul-Muhammed, Astana qalasynyń ákimi Imanǵalı Tasmaǵambetov, Almaty qalasynyń ákimi Ahmetjan Esimov, Almaty oblysynyń ákimi Ańzar Musahanov arnaıy quttyqtaý hattaryn joldady. Mereıtoıda Almaty oblysy ákiminiń orynbasary Sáken Jylqaıdarov N. Yqtymbaevqa jerlesteriniń ystyq sálemin jetkizip, 40 jyldan astam ýaqyttan beri kıno óneri arqyly eldiń atyn shyǵaryp, mereıin ósirip júrgen kıno maıtalmanynyń Almaty oblysynyń qurmetti azamaty atanǵanyn jetkizdi. Sondaı-aq ıyǵyna shapan jaýyp, astyna at mingizdi.
«Nurjuman baýyryma qazaqtyń elin, jerin álemge tanytyp júrgeni úshin rahmet aıtamyn. Biz Nurjuman Yqtymbaevty maqtaı bermeı, onymen maqtanýymyz kerek. Mundaı adamdar bizdiń aramyzda óte sırek. Ol dara týǵan talantty akter», - deıdi óziniń júrek jardy tilegin jetkizý úshin keshke arnaıy kelgen KSRO halyq ártisi Bıbigúl Tólegenova.
