«Nur Joly» ótkizý beketinde 1 mamyrdan bastap tasymaldaýdyń tsıfrlyq tólqujatyn qoldanýǵa bolady
ASTANA. KAZINFORM — Smart Cargo logıstıkanyń Biryńǵaı terezeniń negizinde qurylǵan tasymaldaýdyń tsıfrlyq tólqujaty 2026 jylǵy 1 mamyrdan bastap NurJoly avtomobıl ótkizý beketinde iske qosylady, dep habarlaıdy QR Kólik mınıstrliginiń baspasóz qyzmeti.
Bul júk tasymaldaýyn búkil jol boıy súıemeldeıtin mobıldi qosymshasyndaǵy elektrondyq qujat bolyp tabylady jáne avtomobıl ótkizý beketterinen ótý ýaqytyn qysqartýǵa baǵyttalǵan.
Servıs qoldanystaǵy qaǵaz túrindegi «aınalyp ótý paraǵyn» almastyrady jáne júrgizýshiniń beketterde ilespe qujattar toptamasyn usyný qajettiligin joıady. Onyń ornyna júrgizýshi QR-kod usynady, al júk ıesine, jóneltýshige jáne tasymaldaýshyǵa jeke kabınet arqyly naqty ýaqyt rejıminde aqparatqa qoljetimdilik qamtamasyz etiledi.
Qazirgi kezeńde tsıfrlyq tólqujatty paıdalaný erikti negizde júzege asyrylady.
Servıs týraly tolyq aqparat jáne nusqaýlyqtar, sondaı-aq qosymshany ornatýǵa arnalǵan siltemeny osy jerden alýǵa bolady.
Osyǵan deıin dombyrany ushaq bortynda alyp júrýge ruqsat etilgeni týraly jazdyq.
