Nurjol jelekjolyndaǵy aqyly kólik turaǵynyń tarıfi belgili boldy
ASTANA. QazAqparat - 2018 jyldyń 15 qańtarynda elordada aqyly kólik turaǵyn engizý boıynsha «Astananyń kólik turaǵy keńistigin basqarý» jobasy iske qosylady. Jobanyń alǵashqy kezeńi aıasynda «Nurjol» jelekjolynda kólik turaǵy jumysyn bastaıdy, dep habarlaıdy QazAqparat ákimdiktiń medıa ortalyǵyna silteme jasap.
Mashınany saǵat tańǵy 8-den keshki 8-ge deıin turaqta qaldyrǵany úshin kólik basqarýshylar ár saǵatqa 100 teńgeden tóleıdi. Tólem turaq sessııasy bastalǵan sátten bastap, alǵashqy otyz mınýt ishinde júzege asyrylýy tıis. Demalys jáne mereke kúnderinde turaqqa kólik qoıý tegin. Turaqty paıdalaný tártibi, tólem tásilderi jáne parkomattar ornalasqan oryndar týraly aqparatty saıttan, sondaı-aq, 8(7172) 57 64 81 tegin nómirine habarlasyp bilýge bolady.
Avtoturaqtar aýmaǵynda tómende kórsetilgen kólik quraldaryn tegin qoıýǵa bolady:
Tıisti taný belgileri, túrli-tústi grafıkalyq boıaýlary jáne jazýlary bar jedel qyzmetterdiń (jedel járdemniń, QR ІІM, QR QK Áskerı polıtsııasynyń, QR UQK-niń) kólikteri; «Altyn qyran» jáne «Halyq qaharmany» ordenderimen marapattalǵan tulǵalardyń atyna tirkelgen kólikter; Kólikti ózi basqaryp otyrǵan nemese sol kóliktiń ishinde otyrǵan bala kezinen múgedektigi bar azamattardyń jáne І, ІІ toptaǵy múgedekterdiń atyna tirkelgen arnaıy kólik quraldary. Múgedek-balalardyń zańdy ókilderine tirkelgen kólik quraldary. Múgedekterdiń kólik quraldaryna laıyqtalǵan oryndar tıisti jol belgilerimen nemese tańbalarymen belgilengen; Tikeleı ózi basqaryp otyrǵan nemese sol kóliktiń quraldarynyń ishinde otyrǵan Uly Otan soǵysyna qatysýshylarǵa, belsendi armııanyń quramyna kiretin áskerı bólimderde, shtabtarda, mekemelerde qyzmet ótken áskerı qyzmetshilerge, sondaı-aq, jaýyngerlik is-qımyldardyń ardagerlerlerine tirkelgen kólik quraldary; Tikeleı ózi basqaryp otyrǵan nemese sol kóliktiń quraldarynyń ishinde otyrǵan «Altyn alqa» jáne «Kúmis alqa» belgilerimen marapattalǵan nemese budan buryn «Batyr ana» ataǵyn alǵan, I, II jáne III dárejeli «Ana dańqy» ordenderimen marapattalǵan kópbalaly analardyń atyna tirkelgen kólik quraldary; Semeı ıadrolyq polıgonynda ıadrolyq synaqtar saldarynan zardap shekken adamdardyń atyna tirkelgen; Tikeleı ózi basqaryp otyrǵan nemese osy kólik quraldardyń ishinde otyrǵan, áskerı qyzmetten bosatylǵan nemese áskerı daıyndyqtan ótken, Aýǵanstandaǵy jáne jaýyngerlik áreketter oryn alǵan basqa da elderde ınternatsıonaldyq boryshyn ótkergen azamattardyń atyna tirkelegen kólik quraldary.
Joǵaryda atalǵan toptardyń birine jatatyndar bolsa 8 7172 57 64 81 nómirine habarlasýy kerek.
