Nurjol sýburqaǵynda Batyrhan Shúkenov pen Dımash Qudaıbergen ánderiniń áýeni oınalady

NUR-SULTAN. QazAqparat - Elordanyń sol jaǵalaýyndaǵy Nurjol jelekjolynda ornalasqan sýburqaqta Batyrhan Shúkenov pen Dımash Qudaıbergen ánderiniń áýeni oınalady. Bul týraly Esil aýdanynyń ákimi Berik Jákenov Facebook paraqshasynda jazdy, dep habarlaıdy QazAqparat tilshisi.

«Taıaý ýaqytta bárimizdiń súıikti sýburqaǵymyz jańasha áýen oınaıtyn bolady. 15 maýsymǵa deıin Nurjol jelekjolyndaǵy mýzykalyq sýburqaq jumys istemeıdi. Sý astyndaǵy projektorlardyń shamamen 300 shamyn aýystyrý jumystaryn júrgizemiz. Eski úlgidegi shamdardy jańa jaryqdıodty shamdarǵa aýystyramyz», - dedi ol.

Osy oraıda aýdan ákimi án qumarlarǵa jaqsy jańalyǵymen bólisti.

«Ýáde bergenimdeı, atalǵan sýburqaqtyń mýzykalyq repertýaryn sizderdiń usynystaryńyz boıynsha ózgertemiz. Bul istiń ózindik erekshelikteri bar. Protsess barynsha kúrdeli, mamandar barlyǵy birkelki jumys isteýi úshin horeografııany qolmen baǵdarlamalap shyǵady. Jaqynda «Kózimniń qarasy«, «Dýdar-aı« jáne Batyrhan Shúkenov pen Dımash Qudaıbergenniń ánderi men klassıkalyq kompozıtsııalaryn estımiz», - dedi Berik Jákenov.